Այսօր՝ 22 հունիսի 2018թ., 00:00

Ռուսաստանի հակահայկական նոր օգնությունն Ադրբեջանին


Ադրբեջանի պաշտպանության նախարար Զաքիր Հասանովը ծավալուն հարցազրույց է տվել Ռուսաստանի ՌԻԱ Նովոստի գործակալությանը, որը պետական գործակալություն է, Կիսելյովի կանտորայի մասերից մեկը: Այդ հարցազրույցում Ադրբեջանի պաշտպանության նախարարն ասում է ուշագրավ բաներ Ռուսաստանի ռազմավարական դաշնակից Հայաստանի հասցեին, և եթե ընդհանրացնենք նրա խոսքերը, Հասանովը ուղղակի ասում է, որ Ադրբեջանը պատրաստ է կարճ ժամանակում լուծել Ռուսաստանի ռազմավարական դաշնակցի հարցերը:

Եվ այդ բանն ասելու համար, ռազմավարական «դաշնակից» Ռուսաստանի թիվ մեկ քարոզչական ամբիոնը Ադրբեջանի նախարարին տալիս է բավական երկար ժամանակ, տալիս է այսպես ասած տանող, օգնող հարցեր: Իհարկե, հարցերը միայն այդ մասին չեն, սակայն, մյուս կողմից, ինքնին հասկանալի է, որ Ադրբեջանի բուն խնդիրը Հայաստանի հետ է և այդ մասին հարցերն է, որ պետք է գրավեին ուշադրությունն առաջին հերթին: Այսինքն՝ Ռուսաստանը փաստորեն ոչ միայն ռազմա-տեխնիկական մատակարարումներն է շարունակում, այլ նաև մատակարարում է Բաքվին քարոզչական «սպառազինություն» Հայաստանի դեմ:

Ռուս-ադրբեջանական հարաբերությունը վերջին շրջանում զարգանում է վայրիվերումներով, և, օրինակ, Հայաստանում ՌԴ սահմանապահ ծառայությունը կարող է հայտարարություն տարածել, որում օգտագործում է Լեռնային Ղարաբաղի հանրապետության վարչական սահման ձևակերպումը, իսկ երկու օր անց Ռուսաստանի պետական լրատվամիջոցում կարող է հարցազրույց տալ Ադրբեջանի պաշտպանության նախարարն ու հայտարարել, որ Ռուսաստանը Սիրիայում իր ռազմական փորձը կիսում է Ադրբեջանի հետ՝ Կովկասում կիրառելու համար:

Իսկ Կովկասում ո՞ւմ հանդեպ պետք է կիրառի Ադրբեջանն իր ռազմական փորձը, դե իհարկե հայկական կողմի՝ Հայաստանի և Արցախի: Այսինքն՝ ստացվում է, որ Ադրբեջանի պաշտպանության նախարարությունը ռուսական պաշտոնական քարոզչական հարթակով հատարարում է, որ Ռուսաստանը Ադրբեջանին պաշտոնապես օգնում է Սիրիայում իր կուտակած ռազմական փորձը Կովկասում հայերի դեմ կիրառելու հարցում: Այդօրինակ երևույթները կարող էին ուղղակի շոկ առաջացնել ռազմավարական դաշնակցության ցանկացած օրինակի պարագայում, միայն ոչ հայ-ռուսական:

Ռուսաստանի «դաշնակցային» պահվածքի հարցում պատրանքներ վաղուց արդեն չկան, սակայն հարցը տվյալ պարագայում այն է, թե ուր կարող է հասնել ցինիզմը, որն է սահմանը: Թեև, ցինիզմը այս դեպքում իհարկե մեղմ բնորոշում է, քանի որ այդ ամենի ռազմական և քաղաքական հետևանքները կարող են լինել շատ ծանր:

Համենայնդեպս, ռուս-ադրբեջանական մուկնուկատուն, որի ընդամենը մի դրվագը մատնանշեցինք, Հայաստանին պետք է ստիպի լինել առավել աչալուրջ, որովհետև ակնհայտ է, որ տեղի է ունենում Մոսկվա-Բաքու բավական դաժան և համառ առևտուր, մտրակի և կարկանդակի կիրառումով:

Իսկ երբ Մոսկվան Կովկասում մտնում է առևտրային ազարտի մեջ՝ լինի դա Թուրքիայի, թե կրտսեր եղբայր Ադրբեջանի հետ, ապա դա հայկական կողմի համար չի խոստանում ոչ մի լավ բան և պարունակում է բազմաթիվ ռիսկեր ու մտահոգություններ:

Իհարկե այդ առևտուրը միայն Հայաստանի դեմ չէ, որ կարող է լինել ուղղված, և ավելի մեծ հավանականություն կա նույնիսկ, որ Հայաստանն այլևս դիտարկվում է շատ փոքր խնդիր կամ ֆիգուր՝ այն արտաքին քաղաքականության հետևանքով, որ վարվեց սեպտեմբերի 3-ից ի վեր: Սակայն դա ամենևին չի նվազեցնում կամ թեթևացնում Հայաստանի ռիսկերը, թեև տալիս է դրանց դիմագրավելու լրացուցիչ հնարավորություններ:

Ամբողջ խնդիրն այն է, թե արդյո՞ք Հայաստանն ունակ է իրերը կոչել իրենց անունով, հետևաբար դաշնակիցներին էլ ընտրել ըստ իր շահի, ոչ թե ըստ պարտադրվածության կամ պատմա-բարոյական միֆերի:

1in.am

loading...
Մի բան էլ ասեմ ու ձայնս կտրեմ.. Արտավազդ Եղոյան Ով է Հենրիխ Մխիթարյանի ընտրյալը. (լուսանկարներ) Հրապարակվել են Սերժ Սարգսյանի Վաչոյի «Յանս» ռեստորանային համալիրում հայտնաբերված միլիոները. (տեսանյութ) Մանվել Գրիգորյանի 3 թոռների անունը Մանվել են դրել, կգուշակե՞ք՝ ինչ է 4-րդ թոռան անունը. (Video) Եղբորս պահել են ջրհորում, շղթայած. սարսափազդու պատմություն՝ Մ. Գրիգորյանի մասնակցությամբ Վաղինակ Շուշանյանի ուշագրավ գրառումը... «Պահ է գալիս որ ուզում ես մաշկդ քերել պոկել, որ չնույնանաս որոշների հետ որ հայ են կոչվում». Նազենի Հովհաննիսյան Նիկոլ Փաշինյանը քեֆ է անում նոր կառավարության անդամների հետ. (տեսանյութ) Ամեն ինչ դեռ առջևում է Մանվել Գրիգորյանի հրամանով ազատամարտի՞կ է կախաղան բարձրացվել Զենք, մարիխուանա. օրենքով գողերի տների խուզարկությունների տեսանյութը «Գորիսում աղջիկներին բռնի տարել են այն տուն, որտեղ Մանվելն է եղել «Մանվելը ո՞նց ա իմ դեմքին նայելու, ընենց քֆուրներ ա կերել, երդումներ». Սեյրան Սարոյան Ապահովել Մանվել Գրիգորյանի անձնական անվտանգությունը. նա կարող է բացահայտել Հոկտեմբերի 27-ը Քիչ առաջ Երևանի կենտրոնում հատուկ գործողություններ են իրականացվել. տեսանյութ Որտեղից է սկսել Մանվել Գրիգորյանը. Փաշինյանը գտել է բանալին Ո՞վ է գեներալ Մանվել Գրիգորյանի կինը. Ընտանեկան լուսանկարներ Ով էր Մանվել Գրիգորյանին բերման ենթարկող ԱԱԾ աշխատակիցը. (տեսանյութ) Մանվել Գրիգորյանի տղան կամ «նարկաման» է, կամ «ղումարբազ». ասել էր Սեյրան Սարոյան Գագիկ Սուրենյանը՝ Մանվել Գրիգորյանի մասին Էս ինչ հրեշ է այս մարդ կոչված կենդանին. Անահիտ Բախշյան Ներիր մեզ, իմ քաջ զինվոր. Նիկոլ Փաշինյան 8 հատ ավտո, 8 հատ էլ կնիկ ունեմ. Մանվել Գրիգորյան ՇՏԱՊ. Առաջին կադրերը, թե ինչ են հայտնաբերել Մանվել Գրիգորյանի ամառանոցում: Մանվել Գրիգորյանի կողմնակիցները փակել են Նալբանդյան փողոցը. ոստիկանները փորձում են ցրել նրանց «Ձեր հորն ԱԱԾ-ն տարել է, տեղյա՞կ եք». լրագրողները՝ Էջմիածնի քաղաքապետին Էջմիածնում վիճակը լարված է. ինչպես է ԱԱԾ-ն տանում Մանվել Գրիգորյանին Ինչպես են Էջմիածնում բերման ենթարկում Դոն Պիպոյին Դոն Պիպոն բերման է ենթարկվել. (Տեսանյութ) Էջմիածնի քաղաքապետ` Կարեն Գրիգորյանը, սպառնա՞ց Մարտի 1-ով. (Տեսանյութ)

Яндекс.Метрика
website by Sargssyan