Այսօր՝ 21 սեպտեմբերի 2017թ., 00:00

Ռուսաստանի երեք կրակոցները Հայաստանի ուղղությամբ

Վերջին օրերին տեղի ունեցան մի քանի ուշագրավ միջադեպեր, որոնք լավագույնս են բնութագրում հայ-ռուսական հարաբերությունների բնույթը:

Ռոբսոն. Ռուսահայ կրիմինալի նոր դերը

Սեպտեմբերի 1-ին «Իրազեկ քաղաքացիների միավորումը» նամակ է ստացել Ռուսաստանի Դաշնության Կապի, տեղեկատվական տեխնոլոգիաների և զանգվածային կոմունիկացիաների վերահսկման դաշնային ծառայությունից կամ Роскомнадзор-ից:

Նամակով ՌԴ պետական մարմինը պահանջում է «Իրազեկ քաղաքացիների միավորման» ArmRus.info լրատվական կայքից հեռացնել Հայաստանի ներդրողների ակումբի անդամ Ռուբեն Թաթուլյանի (քրեական աշխարհում հայտնի «Ռոբսոն» մականվամբ)՝ Չեխիայում ձերբակալության մասին նյութը, հիմնավորելով Ռուսաստանի Դաշնության «Անձնական տվյալների մասին» օրենքի դրույթներով:

ԻՔՄ-ն հայտարարել է, որ ArmRus.info-ն գործել է Հայաստանի Հանրապետության օրենսդրության ու միջազգային նորմերի պահպանմամբ և չի խախտել Ռուբեն Թաթուլյանի անձնական կյանքի գաղտնիության իրավունքը:

Ռոբսոնը ՌԴ քաղաքացի է եւ բնական է, որ պետք է դիմեր իր երկրի համապատասխան մարմիններին: Սակայն, այստեղ կա մի նրբություն. Նա ունի Հայաստանի դիվանագիտական անձնագիր, միաժամանակ վարչապետ Կարեն Կարապետյանի հիմնադրած «ներդրողների ակումբի» անդամ է եւ սկզբունքորեն կարող էր դիմել Հայաստանի համապատասխան մարմիններին:

Սակայն նրբությունն այստեղ չի ավարտվում: Ռուսաստանը Հայաստանի հանդեպ վերջին տարիների կոշտ քաղաքականությունը տարբեր ոլորտներում իրականացնում է նաեւ հայկական ազգանուններով մարդկանց ակտիվ օգտագործմամբ: Նրանց վրա դրված է ռուսական քաղաքականության, Ադրբեջանին զենքի մատակարարման եւ այլ խնդիրների արդարացման, Ղարաբաղը հանձնելու «հիմնավորման» պարտականությունը:

Այդ քաղաքականության մասն է նաեւ Հայաստանի քաղաքացիական հասարակության կառույցների դեմ պայքարը, որի մասին հայտարարվել է վերջերս: Ռոբսոնի դիմումը, որն ըստ ռուսական ԶԼՄ-ների գտնվում է ռուսական պետական կառույցների «խնամքի» տակ, կարելի է համարել այս քաղաքականության գործնական քայլերից մեկը:

Բանն այն է, որ Չեխիայում Ռոբսոնի ձերբակալման մասին գրել են բազմաթիվ լրատվամիջոցներ, բայց Ռոբսոնն «ընտրել» է ԻՔՄ-ի կայքը, որը «մասնագիտացած» է այդ թվում հայ-ռուսական տիրույթում ստերի ու կեղծիքի բացահայտմամբ:

«Իրազեկ քաղաքացիների միավորումը» հայտարարել է, որ չի կատարելու «Ռոսկոմնադզորի» պահանջը, քանի որ գործել է Հայաստանի օրենսդրության սահմաններում, իսկ Ռուսաստանի օրենսդրությունը Հայաստանի տարածքում չի գործում:
Լավրով.

Ղարաբաղը ոչնչացնելու ծրագրի խոստովանությունը
Ռուսաստանի արտաքին գործերի նախարար Սերգեյ Լավրովը Միջազգային հարաբերությունների Մոսկվայի պետական համալսարանի ուսանողների և դասախոսների հետ հանդիպմանն ասել է, որ Ռուսաստանը հավատարիմ է եղել վերջին 20 տարիներին ԵԱՀԿ և Ռուսաստան-ՆԱՏՕ խորհրդի շրջանակում ընդունված հռչակագրերին:

Լավրովն ափսոսանք է հայտնել, որ այդ փաստաթղթերը թղթի վրա են մնացել, քանի որ «արևմտյան գործընկերները մերժել են դրանք իրավաբանորեն պարտավորեցնող դարձնելու Ռուսաստանի փորձերը»: Նրա խոսքով, եթե դա իրականություն դառնար, ապա Եվրոպայում բազմաթիվ հակամարտություններ վաղուց կարգավորված կլինեին:
ՌԴ ԱԳ նախարարի խոսքով, դա վերաբերում է նաեւ ղարաբաղյան հակամարտությանը:

Ապրիլյան պատերազմից հետո բոլորի համար պարզ դարձան ռուսական ծրագրերը Ղարաբաղի մասով: Դրա մասին սկսեցին խոսել նաեւ ռուսական պաշտոնական եւ մեդիա-փորձագիտական շրջանակները, քանի որ այդ պատերազմն արդեն քողազերծել էր շատ հանգամանքներ:

Ռուսաստանի նպատակը Ղարաբաղ ռուսական զորք մտցնելն է: Դրա եւս մեկ ապացույցը Սոչիում Պուտինի ու Սերժ Սարգսյանի հանդիպումն էր: Սարգսյանը հանդիպումից հետո հայտարարել էր, թե Պուտինի հետ խաղաղապահների մասին չեն խոսել, եւ ընդհանրապես չեն խոսել Ղարաբաղի խնդրի մասով: Եթե խաղաղապահների մասին չի խոսվում, մնացյալը Ռուսաստանին հետաքրքիր չէ, եւ Սարգսյանի հայտարարությունը հենց այս հանգամանքի վկայությունն էր. գրում է lragir.am-ը:

Ամբողջությամբ՝ սկզբնաղբյուր կայքում

loading...
Ալիևը ՄԱԿ-ում ծաղրի առարկա է դարձել. կինն ու դուստրը խայտառակել են. (տեսանյութ) Լիբանանցի աշխարհահռչակ երգչուհին կատարում է «Մի գնա» երգը. (տեսանյութ) Հայկական հարսանիք. տղաները փակում են ճանապարհն ու լեզգինկա են պարում. (տեսանյութ) Դոն Պիպոն տհաճ անակնկալ է մատուցել Կարո Փայլանին Թե ինչպես ԱՄՆ նախագահ Ջոն Քենեդին ծնկի եկավ, և համբուրեց Վազգեն Վեհափառի աջը ՄԱԿ-ում Իլհամ Ալիևը Հայաստանին սպառնաց նոր պատերազմով 62-ամյա հայ տղամարդը ոստիկաններին հայտնել է՝ իրեն ծեծող կանայք անընդհատ ասում էին. «Պասերով, պասերով» Բացառիկ տեսանյութ. ինչպես են «Նուբարաշեն» ՔԿՀ-ում դատապարտյալներն ի նշան բողոքի փորձում ինքնասպան լինել ՀՀ-ն 2018-ի գարնանը կչեղարկի հայ-թուրքական արձանագրությունները Ռուսաստանն ու ԱՄՆ-ն լուծելիք խնդիրներ ունեն Սիրիայում. Ռեքս Թիլերսոն Ռիտա Սարգսյանը Սամվել Կարապետյանի որդու հարսանիքին պարում է Թաթայի երգի հնչյունների ներքո. (տեսանյութ) Հայաստանի գլխավոր սիրուհիներից մեկը հղի է. (լուսանկարներ) Վիրուսային հիվանդություն է տարածված. բժիշկները չեն հասցնում սպասարկել Սերժ Սարգսյանը ՄԱԿ-ում ասել է, թե ինչպես պետք է լուծել Արցախի խնդիրը. (տեսանյութ) Մահացել է Վրաստանում վթարի հետևանքով զոհված հայ ընտանիքի անդամներից ևս մեկը. (լուսանկարներ) Քրիստոսի ներկայացուցիչն այդ ձևի հայացք չի կարող ունենալ, մի օր շուտ հրաժարվի՝ ճիշտ կանի Վարչապետի զավեշտալի պատասխանը սփյուռքահայի հարցին Նախագահը հանդիպում է ունեցել Լեհաստանի նախագահի հետ Թեստ. գուշակեք հայտնի մարդուն աչքերով Բաքուն պատրաստվում է մոտալուտ պատերազմի. (լուսանկարներ, տեսանյութ) «Սրսկեմ, թե աղոթենք գնանք». Շտապ օգնության բժիշկը ծաղրել է քաղաքացուն Օրվա կադրը. Իրանցու «կայֆերը»՝ Երևանում. Արամ Ասատրյանի մահվան առեղծվածը. հիշում են մտերիմները (տեսանյութ) Պետք է գնդակահարել Նիկոլ Փաշինյանին․ Գրիգոր Խաչատրյան Արամ Առաջինի սառը ցնցուղը Սերժ Սարգսյանին. (տեսանյութ) Ինչպիսի՞ն է միլիարդատեր Սամվել Կարապետյանի կինը. (լուսանկարներ) Նորատ Տեր-Գրիգորյանցը փաստի առաջ է կանգնեցրել Վալենտինա Մատվիենկոյին Թեստ. Ի՞նչ տեսաք առաջինը Վիգեն Սարգսյանը խուճապի մատնեց բարձրաստիճան պաշտոնյաներին Վիգեն Սարգսյանը ճպպացնում և հորանջում է Արամ Ա-ի ելույթի ժամանակ, հորանջում. (տեսանյութ)

Яндекс.Метрика
website by Sargssyan