Այսօր՝ 22 հունիսի 2018թ., 00:00

Ադրբեջանը ճանաչեց հայերի համաշխարհային լիդերությունը


Երեկ գրեթե բոլոր համաշխարհային լրատվամիջոցների առաջնորդող հոդվածները Ադրբեջանի կողմից կոռուպցիայի աղաղակող փաստերի մասին էին: Ֆրանսիայի միջազգային ռադիոյի գլխավոր նորությունն էլ վերնագրվել էր «Կարելի՞ է Ադրբեջանը «բռնապետություն» անվանել. Փարիզում դատ է սկսվել»:

Համաշխարհային առաջատար լրատվամիջոցները հետաքննություն են անցկացրել եւ պարզել, որ Ադրբեջանի իշխանությունները 2012-2014 թվականներին Մեծ Բրիտանիայում կեղծ ընկերությունների միջոցով կաշառել են եվրոպացի քաղաքական գործիչներին ու փողեր լվացել:

Այս մասին նշված է «Ադրբեջանական լվացքատուն» վերնագրով հետազոտության մեջ, որն իրականացրել են Կոռուպցիայի եւ կազմակերպված հանցավորության կենտրոնի (OCCRP), դանիական Berlingske, գերմանական Süddeutsche Zeitung, ֆրանսիական Le Monde, բրիտանական The Guardian եւ մի շարք այլ թերթեր:

Հետաքննությունում ընդգրկված են եւ Ադրբեջանի իշխանությունները, եւ Ռոսօբորոնէքսպորտը, եւ հունգարական ընկերությունները, եւ եվրապատգամավորները:
Զուգահեռ Ֆրանսիայում Ադրբեջանի հայցով դատ է սկսվել: Հայցի առիթը «բռնապետություն» եւ «բռնապետ» բառերի օգտագործումն է երկրի ու նրա ղեկավարի հարցին, ինչպես գրում է RFI-ն:

Հայցատուն՝ Ադրբեջան պետությունը, վիճարկում է 2015 թվականի սեպտեմբերի 7-ին ֆրանսիական Cash Investigation (պետական France 2 հեռուստաընկերությամբ հեռարձակվող) ծրագրում հնչած բառերը: Ծրագրի շրջանակում ցուցադրված հերթական հաղորդումը կոչվում էր «Իմ նախագահը գործնական ճանապարհորդությունում» եւ նվիրված էր ֆրանսիացի քաղաքական գործիչների եւ նախկին խորհրդային մի շարք հանրապետությունների իշխանությունների հարաբերություններին:

Ծրագրում Իլհամ Ալիեւի վարչակարգն անվանել էին «բռնապետություն» «բռնապետի» գլխավորությամբ: Այժմ ֆրանսիական դատարանը պետք է որոշի, արդյոք լրագրողն իրավունք ունի Ադրբեջանը բռնապետություն անվանել, իսկ Ալիեւին՝ բռնապետ:

Հատկանշական է, որ Ադրբեջանն է ներկայացրել հայցը, եւ եթե դատարանն արդարացնի լրագրողներին, կստացվի, որ Ադրբեջանը «նոտարով» բռնապետություն է:
Առավել հատկանշական է Ադրբեջանի ԱԳՆ-ի արձագանքը հրապարակումներին: ԱԳՆ հայտարարությունում նշված է, որ Ալիեւն ու նրա ընտանիքը կապ չունեն սկանդալի հետ (չնայած կոռուպցիայի փաստերը չեն հերքվում), եւ նշվում է, որ այս ամենի հետեւում կանգնած են հայկական լոբբին եւ Սորոսը:

Ադրբեջանում «սակրալ» վերաբերմունք կա հայկական լոբբիի հանդեպ, եւ Ադրբեջանի ԱԳՆ վերջին հայտարարությունը փաստացի ճանաչում է հայերի համաշխարհային տիրապետությունը, որոնք կարող են ոչ միայն գնել համաշխարհային ողջ մեդիան, այլ նաեւ նրանց տրամադրել կոռուպցիոն սխեմաների մասին տվյալները:

Դժվար է ասել, թե ինչով կավարտվի սկանդալը: Փորձագետները պնդում են, որ Ադրբեջանը կարող է զրկվել Եվրոպայի խորհորդում ձայնից, ինչպես Ռուսաստանը: Ալիեւին կարող են մերժել ձեռք սեղմելը քաղաքակիրթ աշխարհում: Նա չնայած վաղուց է այդպիսին. Եվրահանձնաժողովի ղեկավար Յունկերը Բրյուսելում Ալիեւի հետ հանդիպումից առաջ լրագրողներին ասել էր, որ սկսվում է օրվա տհաճ պահը:

Իհարկե, լավ է, որ Ադրբեջանը վախենում է հայկական լոբբից, սակայն ավելի լավ կլիներ, եթե նույն կերպ վախենար հայկական դիվանագիտությունից: Ադրբեջանը դրանից առանձապես չի վախենում, որովհետեւ վստահ է, որ կարող է դիմել ավագ եղբայր Ռուսաստանին, որը Հայաստանին «կհամոզի» «ճիշտ» որոշումներ կայացնել:

Աղբյուր՝ Lragir.am

loading...
Մի բան էլ ասեմ ու ձայնս կտրեմ.. Արտավազդ Եղոյան Ով է Հենրիխ Մխիթարյանի ընտրյալը. (լուսանկարներ) Հրապարակվել են Սերժ Սարգսյանի Վաչոյի «Յանս» ռեստորանային համալիրում հայտնաբերված միլիոները. (տեսանյութ) Մանվել Գրիգորյանի 3 թոռների անունը Մանվել են դրել, կգուշակե՞ք՝ ինչ է 4-րդ թոռան անունը. (Video) Եղբորս պահել են ջրհորում, շղթայած. սարսափազդու պատմություն՝ Մ. Գրիգորյանի մասնակցությամբ Վաղինակ Շուշանյանի ուշագրավ գրառումը... «Պահ է գալիս որ ուզում ես մաշկդ քերել պոկել, որ չնույնանաս որոշների հետ որ հայ են կոչվում». Նազենի Հովհաննիսյան Նիկոլ Փաշինյանը քեֆ է անում նոր կառավարության անդամների հետ. (տեսանյութ) Ամեն ինչ դեռ առջևում է Մանվել Գրիգորյանի հրամանով ազատամարտի՞կ է կախաղան բարձրացվել Զենք, մարիխուանա. օրենքով գողերի տների խուզարկությունների տեսանյութը «Գորիսում աղջիկներին բռնի տարել են այն տուն, որտեղ Մանվելն է եղել «Մանվելը ո՞նց ա իմ դեմքին նայելու, ընենց քֆուրներ ա կերել, երդումներ». Սեյրան Սարոյան Ապահովել Մանվել Գրիգորյանի անձնական անվտանգությունը. նա կարող է բացահայտել Հոկտեմբերի 27-ը Քիչ առաջ Երևանի կենտրոնում հատուկ գործողություններ են իրականացվել. տեսանյութ Որտեղից է սկսել Մանվել Գրիգորյանը. Փաշինյանը գտել է բանալին Ո՞վ է գեներալ Մանվել Գրիգորյանի կինը. Ընտանեկան լուսանկարներ Ով էր Մանվել Գրիգորյանին բերման ենթարկող ԱԱԾ աշխատակիցը. (տեսանյութ) Մանվել Գրիգորյանի տղան կամ «նարկաման» է, կամ «ղումարբազ». ասել էր Սեյրան Սարոյան Գագիկ Սուրենյանը՝ Մանվել Գրիգորյանի մասին Էս ինչ հրեշ է այս մարդ կոչված կենդանին. Անահիտ Բախշյան Ներիր մեզ, իմ քաջ զինվոր. Նիկոլ Փաշինյան 8 հատ ավտո, 8 հատ էլ կնիկ ունեմ. Մանվել Գրիգորյան ՇՏԱՊ. Առաջին կադրերը, թե ինչ են հայտնաբերել Մանվել Գրիգորյանի ամառանոցում: Մանվել Գրիգորյանի կողմնակիցները փակել են Նալբանդյան փողոցը. ոստիկանները փորձում են ցրել նրանց «Ձեր հորն ԱԱԾ-ն տարել է, տեղյա՞կ եք». լրագրողները՝ Էջմիածնի քաղաքապետին Էջմիածնում վիճակը լարված է. ինչպես է ԱԱԾ-ն տանում Մանվել Գրիգորյանին Ինչպես են Էջմիածնում բերման ենթարկում Դոն Պիպոյին Դոն Պիպոն բերման է ենթարկվել. (Տեսանյութ) Էջմիածնի քաղաքապետ` Կարեն Գրիգորյանը, սպառնա՞ց Մարտի 1-ով. (Տեսանյութ)

Яндекс.Метрика
website by Sargssyan