Այսօր՝ 20 ապրիլի 2018թ., 00:00

Ինչ է կատարվում հայ-վրացական հարաբերություններում


Վերջին օրերին ակնհայտ լարվածություն է նկատվում հայ-վրացական հարաբերություններում: Եթե մի քանի օր առաջ Վրաստանի ՊՆ-ն ընդամենը չեզոք տեղեկատվությամբ իրազեկել էր, որ Հայաստանը չեղարկել է մասնակցությունն իր տարածքում նախատեսված ՆԱՏՕ-ի զորավարժություններին, ապա երեկ Վրաստանի պաշտպանության նախարարությունը պաշտոնապես տեղեկացրել է՝ Հայաստանի պաշտպանության նախարարությունը դեռ հուլիսին հաստատել է, որ մասնակցելու է Agile Spirit 2017 զորավարժությանը: Երեկվա պաշտոնական հայտարարության տոնայնությունը միանգամայն այլ է, և Երևանն, ըստ էության, մեղադրվում է գործընկերության սկզբունքը խախտելու, անպատասխանատու վարքագիծ ցուցաբերելու համար:

Ինչքան էլ օբյեկտիվ լինի այդ գնահատականը՝ Վրաստանի ռազմական գերատեսչության հայտարարությունը բնորոշ չէ հայ-վրացական հարաբերությունների ոգուն և հազիվ թե հետևանք լինի տեխնիկական պատճառի, օրինակ՝ այն հանգամանքի, որ կոմունիկացիոն անհարթություն է եղել մեր և հարևան երկրի ՊՆ-ների հարաբերություններում:

Ակնհայտ է, որ Վրաստանը գնում է հարաբերությունների սրման, հակառակ դեպքում զորավարժություններին Հայաստանի մասնակցությունից հրաժարվելը կդառնար այս պատմության վերջակետը, ոչ թե Վրաստանը կորոշեր զորավարժությունների ավարտից հետո թեմային նոր ընթացք տալ: Առավել ևս, որ հարակից այլ իրադարձություններ անուղղակիորեն հաստատում են, որ հայ-վրացական հարաբերություններում ճգնաժամի փուլ է: Թուրքիան, Վրաստանը և Ադրբեջանը Նյու Յորքում կայանալիք ՄԱԿ-ի Գլխավոր ասամբլեայի նիստին համատեղ հանդես կգան Լեռնային Ղարաբաղին և Աբխազիային վերաբերող հարցերում: Նախօրեին այս մասին հայտարարել է Թուրքիայի ԱԳ նախարար Մևլութ Չավուշօղլուն՝ ադրբեջանցի և վրացի գործընկերների հետ հանդիպման արդյունքներով մամուլի ասուլիսի ժամանակ: «Մենք Նյու Յորքում միասին կընդգծենք, որ ինչպես Ղարաբաղի, այնպես էլ Աբխազիայի հիմնախնդիրները հարկավոր է րոպե առաջ լուծել խաղաղ ճանապարհով և երկու երկրների տարածքային ամբողջականության շրջանակներում»,-ասել է նա:

Վրաց փորձագետները, ովքեր, որպես կանոն, հատկապես հայկական ԶԼՄ-ներին տված հարցազրույցներում խիստ հավասարակշիռ գնահատականներ են տվել ԼՂ խնդրի կարգավորման հեռանկարին՝ շեշտը դնելով Հայաստանի ու Ադրբեջանի համաձայնությունների անհրաժեշտության վրա, վերջին օրերին փոխել են իրենց տոնայնությունը:

Թեմային առնչվող հարցերը «Առաջին լրատվական»-ի հետ զրույցում երեկ մեկնաբանել է Ռազմավարական և միջազգային հետազոտությունների Վրացական հիմնադրամի Եվրոպական ուսումնասիրությունների կենտրոնի տնօրեն, քաղաքագետ Կախա Գոգոլաշվիլին: Նա մասնավորապես ասել է. «Չեմ կարող հստակ ասել՝ այդպիսի նախաձեռնություն կլինի կամ կառաջարկվի՞ արդյոք բանաձևի նախագիծ, թե՞ ոչ, բայց կարող եմ ասել, թե որն է Վրաստանի պաշտոնական դիրքորոշումը Ղարաբաղի հարցի առնչությամբ: Վրաստանը ճանաչում է Ադրբեջանի տարածքային ամբողջականությունը և ճանաչում է Ղարաբաղը որպես Ադրբեջանի մաս: Սա ինքնին հիմք է տալիս ենթադրելու, որ եթե ներկայացվի նման բանաձև Ադրբեջանի տարածքային ամբողջականության վերականգնման մասին, Վրաստանը կաջակցի այդ բանաձևի ընդունմանը»:

Ինչո՞ւ է Վրաստանը գնում Հայաստանի հետ հարաբերությունների սրման: Պատճառները թերևս կարող են երկուսը լինել: Ըստ ամենայնի՝ Հայաստանը շարունակում է Վրաստանում մեր երկրի դեսպանի պաշտոնի համար պնդել Կովկասի ինստիտուտի փոխտնօրեն Սերգեյ Մինասյանի թեկնածությունը, ինչը հանդիպում է Թբիլիսիի դիմադրությանը, որտեղ Մինասյանին համարում են ռուսական կողմի թեկնածու: Եթե իրերն իրենց անուններով կոչենք, ապա Վրաստանի քաղաքական և փորձագիտական շրջանակներում համարում են, որ Հայաստանը՝ Մոսկվայի հետ համաձայնեցված, թիկունքից հարվածում է հարևանին:

Երկրորդ պատճառն այն է, որ Աբխազիայի ԱԳ նախարարին Ղարաբաղում ընդունում են՝ դրանով անուղղակի ուղերձ հղելով Թբիլիսիին, որ հայկական կողմը չի ճանաչում Վրաստանի տարածքային ամբողջականությունը: Իհարկե, աբխազ պաշտոնյան ֆորմալ առումով ոչ թե Երևանի, այլ Ստեփանակերտի հյուրն է, սակայն բոլորին է հայտնի, որ Արցախի իշխանությունները զուրկ են որևէ ինքնուրույնությունից և ոչինչ չեն անում առանց Երևանի իմացության:

Որն էլ լինի հայ-վրացական ներկայիս լարվածության պատճառը՝ պաշտոնական Երևանը պետք է դիվանագիտական խողովակներով արագ շտկի իրավիճակը, որովհետև Վրաստանի հետ բարիդրացիական հարաբերությունները Հայաստանի համար կենսական են մի քանի առումով: Հայ- վրացական հարաբերությունները թույլ չեն տալիս, որ Հայաստանը վերջնականապես հայտնվի տարածաշրջանային համագործակցության լուսանցքում, Վրաստանը միակ ճանապարհն է, որ մեզ կապում է Ռուսաստանի հետ և, ըստ էության, այն բացառիկ հարթակն է, որն ավելի կենսունակ է դարձնում Հայաստան-ՆԱՏՕ համագործակցությունը:

Նույն կերպ` Հայաստանի հետ բնականոն հարաբերությունները բխում են Թբիլիսիի շահերից, և համոզված ենք, որ երկու մայրաքաղաքներում էմոցիաներն իրենց տեղը կզիջեն պրագմատիզմին:

loading...
Սերժ Թանկյանին հնարավոր է թույլ չտան Հայաստան ժամանել Թատրոնի դերասանուհու պահվածքը վրդովվեցրել է մարդկանց Հուզիչ տեսանյութ. հայրը նշում է աղջկա վերջին ծննդյան օրը. (Video) Եթե Հայաստանում հեղափոխություն լինի` դրա մեղավորը Աշոտի հարևանն է լինելու Նիկոլ Փաշինյանն ո՞ւմ է տեսնում վարչապետի պաշտոնում Նիկոլ Փաշինյանին կձերբակալե՞ն «Խնդրեցին մի քանի րոպե սպասել-չգնալ, մեկ էլ էս տոպրակները բերեցին». ոստիկանները ուտելիք են հյուրասիրել ցուցարարներին Սիրուշոյի գրառումը բորբոքել է մարդկանց. հիշել են Ռոբերտ Քոչարյանի հարս լինելը Էրեբունիում ցուցարարներին ծեծել են (տեսանյութ) Գեղեկցուհին մեքենայով փակել է փողոցը. ոստիկանները ոչինչ չեն կարողանում անել Ոստիկանները հրաժարվեցին ծեծել ժողովրդին՝ հանելով սաղավարտները. (Video) Ուր է կորել մեր Հայկոն. ինչ է պատահել նրան. ժողովուրդն անհանգիստ է Փառահեղ օր. Երեւանը տոտալ շրջափակելու կոչ Սիրուշոն դեմ է բռնություններին.... Գյումրիում 10 ոստիկան միացան ցուցարարներին Ով է Նիկոլ Փաշինյանի գեղեցկուհի կինը. Նիկոլի ընտանիքը. (Photo) Ռուսաստանում ձերբակալվել է հայ միլիարդատիրոջ եղբայրը Ով է Սերժ Սարգսյանի լուսանկարը ոստիկանության բաժանմունքից դուրս նետած տղամարդը Այս պահին ՊՊԾ գնդից դուրս եկան մեկ տանկ, մեկ բետեեռ և մեկ վաշտ ոստիկաններով լիքը ավտոբուս Սթիվեն Սիգալը օրեր անց կժամանի Հայաստան «Կյանքս դուխով». բերման են ենթարկել պատգամավոր Արարատ Միրզոյանի կնոջը Բերման ենթարկվածը բաժանմունքի պատուհանից շպրտել է Սերժ Սարգսյանի լուսանկարը. (տեսանյութ) Սերժի ու Քիմի տարբերությունը՝. (Ֆոտո) Հովհաննես Ազոյանը գրկեց Նիկոլին. հուզիչ էր. (տեսանյութ) Մարսելի հայերը ՀՀ հյուպատոսությունից հանել են Սերժ Սարգսյանի նկարը և այրել Օրվա կադրը. հարսին տարան ցուցարարների «շնորհավոր» բացականչությունների ու ծափերի ներքո Սերժ Սարգսյանի արձագանքը ցույցերին ու երթերին. (տեսանյութ) Հայաստանը ղեկավարում են 3 մաֆիոզներ. Շառլ Ազնավուր Նիկոլի վիրակապի արյունոտ սրտիկն ու դերասան Հովհաննես Ազոյանը Ախչի, հերիքա ուշունց տաս,- Արփինեի վրա բարկանում է գեներալ Սարոյանը. (քաղաքական հումոր)

Яндекс.Метрика
website by Sargssyan