Այսօր՝ 18 հունիսի 2018թ., 00:00

Սարգսյանը մնաց մենակ, անպաշտպան, լքված եւ մնաս բարյավ ասաց


Գարեգին Նժդեհն ասել է. «Վայ այն զորքին ու զինվորին, որ իր ղեկավարի աչքերի մեջ բոց, շարժումների մեջ վճռականություն, սրի ծայրին շանթ չի տեսնում, դատապարտված է նա»:

 

Այս խոսքերը կարծես գրված են Հայաստանի հանրապետական կուսակցության համար: Կուսակցություն, որ շուրջ 25 տարի ակտիվ գործունեություն է ծավալել անկախ Հայաստանի քաղաքական բազմավեկտոր դաշտում, ավելին` 20 տարի շարունակ նժդեհյան գաղափարակիր այս կուսակցությունը ղեկավարել է Հայաստան երկիրը:

ՀՀԿ նախագահ Սերժ Սարգսյանը 2018թ. ապրիլի 23-ին, առանց իր զորքի ու զինվորների հետ խորհրդակցելու, հրաժարվեց ՀՀ վարչապետի պաշտոնից՝ շատերին թողնելով անորոշության մեջ:

Նման գործելաոճն Ազատիչի դեպքում նորություն չէ, դա նրա պարագայում կարելի է բնավորության գիծ համարել: Ամենատարբեր ժամանակներում` պայմանավորված պահի թելադրանքով, առաջնորդվելով անձնական ես-ով, ճանապարհի կեսից «քցել» կամ ուրացել է իր թիմակիցներին:

Այժմ՝ ըստ էության։

Սերժ Ազատիչն առաջինը ուրացավ Գարեգին Նժդեհին, որի գաղափարների ու կարգախոսների հենքի վրա էր ստեղծվել ՀՀԿ-ն։ Որպես առանցքային ուղղություն՝ կարմիր թելով անցնում էր ազգային պետականության գաղափարախոսությունը։

Սակայն Եվրոպային եւ Ռուսաստանին հաճոյանալու համար Սերժ Սարգսյանը, մի կողմ թողնելով նժդեհյան ազգային գաղափարախոսությունն ու սկզբունքները, նախ անդամագրվեց ՌԴ առաջարկած ԵԱՏՄ-ին` մոռանալով, որ Ռուսաստանի տեսանկյունից Գարեգին Նժդեհն ընկալվում է իբրեւ «ֆաշիստ»։

Այնուհետեւ անդամագրվեց եվրոպական ընտանիքին, որտեղ, մեր պատկերացմամբ, ավանդական ընտանիքը դրված է այլ ռելսերի վրա:

Բոլոր այն նվիրյալ անհատները, ովքեր ճանապարհ են անցել Սերժի հետ, հանուն կուսակցական գաղափարի ու վերելքի անտեսելով իրենց անձը, մի կողմ թողնելով նյութապաշտությունը, հնարավոր ամեն բան արել են, որ ՀՀԿ-ն միշտ մնա իր բարձունքի վրա, փոխարենը շատ դեպքում հասարակությունը նրանց որակել է «քծնողներ», նրանց եւս «քցել» են:

Հիմա՝ փաստերով։

Երբ Սերժ Սարգսյանին վտարեցին Արցախից, Հայաստանի առաջին նախագահ Լեւոն Տեր-Պետրոսյանը նրան ապաստան տվեց մեր երկրում, ավելին` պաշտոնների նշանակեց:

1997թ., չնայած լինելով ՀՀ ազգային անվտանգության նախարար, այնուամենայնիվ, ակտիվորեն մասնակցեց Լեւոն Տեր-Պետրոսյանի դեմ կազմակերպված եւ իրականացված արշավին, արդյունքում Տեր-Պետրոսյանը հրաժարական տվեց:

Սերժ Սարգսյանին շատ ու շատ հարցերում ընդառաջած ու աջակցած Վազգեն Սարգսյանի սպանության օրը` 1999թ. հոկտեմբերի 27-ին, ազգային անվտանգության նախարարը, չգիտես ինչու, Երեւանում չէր, այդ ժամանակ ԱԺ-ում Ազգային անվտանգությանն սպառնացող «գործարք» իրականացվեց:

Ամենաանբացատրելին, սակայն, Հանրապետական կուսակցության հիմնադիրներից Անդրանիկ Մարգարյանի առեղծվածային մահն էր․ նա հանկարծամահ եղավ 2007թ., երբ Սերժ Սարգսյանն արդեն ՀՀԿ խորհրդի նախագահ էր ընտրվել: 2008թ. Ազատիչին իշխանության բերած եւ նախագահ կարգած Ռոբերտ Քոչարյանը, ում, ըստ նախնական պայմանավորվածության, պետք է 10 տարի հետո վերադարձվեր երկրի իշխանությունը, Սերժ Սարգսյանի՝ Հայաստանը ղեկավարելու տարիներին քաղաքականապես մեկուսացվեց՝ դուրս մղվելով քաղաքական բոլոր պրոցեսներից:

Հաջորդ «զոհը» Հովիկ Աբրահամյանն էր, ով բոլոր ընտրություններում ղեկավարել է ՀՀԿ համապետական ընտրությունների շտաբը: Տեսնելով նրա օր օրի աճող հեղինակությունը՝ Սերժ Սարգսյանը նրան ոչ միայն պաշտոնանկ արեց, այլեւ մեկուսացրեց քաղաքականությունից ու տնտեսությունից:

Կարեն Կարապետյանին ՀՀԿ-ն որպես միջոց օգտագործեց ԱԺ ընտրություններում՝ պայմանով, որ հետո պետք է զբաղեցնի ՀՀ վարչապետի պաշտոնը, սակայն նրան եւս զրկեց ինքնուրույն գործելու հնարավորությունից, ինչպես նաեւ խախտեց պայմանավորվածությունը:

Քաղաքական գործընթացներում բոլոր ժամանակներում Սերժի նվիրյալ՝ Արցախի հերոս, պաշտպանության նախկին նախարար Սեյրան Օհանյանին էլ խայտառակ կերպով վարկաբեկեցին, որից հետո պաշտոնանկ արեցին:

Նույն ճակատագրին արժանացավ նաեւ ՀՀԿ հիմնադիրներից Գալուստ Սահակյանը, ով երկար ժամանակ ծառայել է ե՛ւ կուսակցությանը, ե՛ւ Սերժ Սարգսյանին: Ու հենց պահը հասավ, նրան եւս պետության երկրորդ դեմքից դարձրեց շարքային երեսփոխան:

Բացառություն չէին նաեւ քաղաքականության մեջ երկար տարիների վաստակ, նվիրում, ներդրում ունեցած Երեւանի նախկին քաղաքապետ Գագիկ Բեգլարյանը, թաղային հեղինակություն եւ քաղաքական գործիչ Մհեր Սեդրակյանը, որոնց եւս տարբեր ժամանակներում «քցեց» Սերժը:

Սա ձեռագիր է՝ անփոփոխ ու խզմզոց հիշեցնող ձեռագիր, չհանդուրժող «առաջնորդի» ձեռագիր, ինչը նաեւ շարունակությունն ունեցավ տնտեսական ոլորտում, որտեղ եւս Սերժ Սարգսյանը նույն ոգեւորությամբ եւ ջանասիրությամբ իր «քցելու» քաղաքականությունն է բանեցրել:

Իր երբեմնի ընկեր, անկախության տարիներին վառելիքի թիվ 1 ներկրող Միշա Բաղդասարովի ունեցվածքը բաժան-բաժան արեցին՝ սնանկացնելով վերջինիս:

Շիրակի մարզում եւ Գյումրի քաղաքում գործունեություն ծավալած Վարդանիկին՝ քաղաքապետ Վարդան Ղուկասյանին էլ սնանկացման եզրին հասցրին ու դեն շպրտեցին, եւ պատահական չէր, որ նա «Մերժիր Սերժին» քայլարշավի ժամանակ ցուցարարների առջեւից էր քայլում:

Սյունիքի մարզում երբեմնի հզոր եւ հարգված, ֆինանսական ռեսուրսների տիրապետող Մաքսիմ Հակոբյանին ու նրա որդուն՝ Վահե Հակոբյանին եւս Ազատիչն ունեզրկեց եւ աքսորեց մարզից: Նույն ճակատագրին արժանացավ նաեւ Սյունիքի երկարամյա մարզպետ Սուրիկ Խաչատրյանը, ով իր մի շարք ապօրինի գործերը կոծկելու դիմաց զրկվեց ունեցվածքի մի զգալի մասից ու պաշտոնից եւ դուրս մղվեց մարզից:

Հայաստանի ամենահզոր տնտեսական լծակներն ունեցող Գագիկ Խաչատրյանի բիզնեսի կեսը եւս խլվեց, նա ստիպված տեղափոխվեց արտերկիր: Սերժիկը «քցեց» նույնիսկ Հրանուշ Հակոբյանին, որն ամբողջ կյանքում աշխատել, մի հնարով գումար էր հավաքել՝ բնակարան գնելու նպատակով, բայց ազատվեց աշխատանքից, եւ մուրազը թերի մնաց:

Իսկ ապրիլյան իրադարձությունները ցույց տվեցին, որ Սերժը դավաճանում է անգամ Պուտինին՝ Հայաստանի վեկտորն ուղղելով դեպի Արեւմուտք:

Ամենակարեւորը՝ նա «քցեց» ՀՀԿ-ին, ԱԺ խմբակցության պատգամավորներին՝ «գյադեք, էս կողմ, գյադեք, էն կողմ» հանձնարարականներով ու տարիներ շարունակ օգտագործելով, այնպես, որ նրանք այսօր հասարակության կողմից այնքան անընդունելի են, որ մեկ տարի առաջ մեծամասնություն դարձած ուժն ԱԺ-ի անցողիկ շեմը հաղթահարելու պրոբլեմներ ունի արդեն:

Այս ամենից հետո ամենազոր ու հավերժ թվացող Սերժ Սարգսյանն այսօր մնացել է մենակ, անպաշտպան ու լքված…

Загрузка...
loading...
Քիչ առաջ Երևանի կենտրոնում հատուկ գործողություններ են իրականացվել. տեսանյութ Որտեղից է սկսել Մանվել Գրիգորյանը. Փաշինյանը գտել է բանալին Ո՞վ է գեներալ Մանվել Գրիգորյանի կինը. Ընտանեկան լուսանկարներ Ով էր Մանվել Գրիգորյանին բերման ենթարկող ԱԱԾ աշխատակիցը. (տեսանյութ) Մանվել Գրիգորյանի տղան կամ «նարկաման» է, կամ «ղումարբազ». ասել էր Սեյրան Սարոյան Գագիկ Սուրենյանը՝ Մանվել Գրիգորյանի մասին Էս ինչ հրեշ է այս մարդ կոչված կենդանին. Անահիտ Բախշյան Ներիր մեզ, իմ քաջ զինվոր. Նիկոլ Փաշինյան 8 հատ ավտո, 8 հատ էլ կնիկ ունեմ. Մանվել Գրիգորյան ՇՏԱՊ. Առաջին կադրերը, թե ինչ են հայտնաբերել Մանվել Գրիգորյանի ամառանոցում: Մանվել Գրիգորյանի կողմնակիցները փակել են Նալբանդյան փողոցը. ոստիկանները փորձում են ցրել նրանց «Ձեր հորն ԱԱԾ-ն տարել է, տեղյա՞կ եք». լրագրողները՝ Էջմիածնի քաղաքապետին Էջմիածնում վիճակը լարված է. ինչպես է ԱԱԾ-ն տանում Մանվել Գրիգորյանին Ինչպես են Էջմիածնում բերման ենթարկում Դոն Պիպոյին Դոն Պիպոն բերման է ենթարկվել. (Տեսանյութ) Էջմիածնի քաղաքապետ` Կարեն Գրիգորյանը, սպառնա՞ց Մարտի 1-ով. (Տեսանյութ) Վլադիմիր Գասպարյանն իր մոտ է կանչել պատգամավորին ու ապտակել. «Հրապարակ» Դերասանները հանրահավաքից առաջ Դոն Պիպոյի տանը խնջույք են արել. (լուսանկարներ) «Մունդիալ 2018»-ի բացումը. անտեսելով դիվանագիտական արարողակարգը Սարգսի` կնոջ առաջ ծնկի գալը. Սարգիս–Մանո զույգի երկրորդ հարսանիքը Ուշագրավ միջադեպ Մոսկվայում Սմբատ Գոգյանի գեղեցիկ ընտանիքի լուսանկարները Վլադիմիր Պուտինը Նիկոլ Փաշինյանին ծանոթացրել է Իլհամ Ալիեւի հետ Վարչապետի որդու՝ Աշոտ Փաշինյանի ընկերուհին .(լուսանկար) Ուշագրավ դեպք: Այսքանից հետո՝ ինչպես չհպարտանալ Փաշինյանով ՀՀԿ-ում մնաց 36 պատգամավոր. ի՞նչ «հեղափոխություն» տեղի ունեցավ երեկ Սկանդալային բացահայտումներ՝ գլխավոր դատախազի նախկին տեղակալից՝ Գեւորգ Կոստանյանի մասին Ինչու է Նիկոլ Փաշինյանը նիհարում ու անընդհատ հազում. պատասխանում է անձամբ վարչապետը «Նախկին վարչապետ Տիգրան Սարգսյանը «Նաիրիտ»-ից գողացել է մոտ 300 մլն դոլար». Աշոտ Գրիգորյան. (Տեսանյութ) Դոն Պիպոյի պատճառով իմ երեխան դեռևս չի տեսել իր հորը. Անաիս Սարդարյան

Яндекс.Метрика
website by Sargssyan