Այսօր՝ 18 հունիսի 2018թ., 00:00

Ծառուկյանի կադրային քաղաքականության կործանարար հետևանքները


ԲՀԿ խմբակցության պատգամավոր Մերուժան Սիմոնյանը օրերս հայտարարություն է տարածել ԲՀԿ-ից դուրս գալու և պատգամավորի մանդատը վայր դնելու մասին:

 

Սիմոնյանն իր տարածած հայտարարության մեջ բացատրել է, որ հրաժարականը որևէ կապ չունի Սյունիքի մարզպետի նշանակման հետ, սակայն նա հրաժարական է տվել Սյունիքի մարզպետի նշանակման օրը: Հիշեցնենք, որ Սյունիքի մարզպետ նշանակվեց Սիսիանի նախկին քաղաքապետ Աղասի Հակոբջանյանի փեսան՝ Կարեն Համբարձումյանը:

«Շնորհակալ եմ բոլոր նրանց, ովքեր տարիների ընթացքում անշահախնդիր և անդավաճան եղել են իմ կողքին: Շնորհակալ եմ սյունեցիներին: Շնորհակալ եմ թասիբով կապանցիներին»,- հրաժարականի իր դիմումը եզրափակել է Մերուժան Սիմոնյանը:

Նա ևս վարվել է որպես թասիբով կապանցի, որը չի կարողացել հանդուրժել իր և կապանցիների նկատմամբ ԲՀԿ ղեկավար Գագիկ Ծառուկյանի դրսևորած անարդարությունը:

Սիմոնյանն իր մերձավոր շրջապատի ներկայացուցիչներին պատմել է, որ երեկ եղել է ԲՀԿ ղեկավար Գագիկ Ծառուկյանի մոտ, և նրանից բացատրություն պահանջել նման ընտրության համար: Սիմոնյանը անարդար է համարել, որ Սյունիքի մարզը պետք է ղեկավարի մեկը, որը մեծ հաշվով ոչ մի կապ չունի կուսակցության հետ: Մերուժան Սիմոնյանը 2017թ. խորհրդարանական ընտրություններում ԲՀԿ-ի համար ապահովել է 8168 ձայն, այն դեքպում, երբ Աղասի Հակոբջանյանը դրա կեսը`4373:

Ծառուկյանը փորձել է առնել Սիմոնյանի խաթրը, ասել որ մարզպետը ժամանակավոր է, մինչև ընտրություններ, որ Կապանի հետ կապված բոլոր հարցերում մարզպետը հաշվի կառնի Սիմոնյանի տեսակետը, բայց Սիմոնյանը ասել է, որ որևէ մեկին թույլ չի տա անցնել իր ինքնասիրության վրայով, ու Ծառուկյանի մոտից դուրս գալուց և ընկերների հետ խորհրդակցելուց հետո հրաժարականի դիմում է ներկայացրել:

Այսպիսով, հանձինս Մերուժան Սիմոնյանի, Ծառուկյանը Կապանում ձեռք բերել մի շատ լուրջ հակառակորդ, և արտահերթ խորհրդարանական ընտրությունների արդյունքում մենք կտեսնենք, որ Ծառուկյանը Կապանից շատ քիչ ձայն կստանա:

Բայց անարդար ընտրությունը միայն Կապանի խնդիրը չէ: Արմավիրի մարզպետի հավակնություններ ուներ «Ծառուկյան» խմբակցության անդամ Արայիկ Աղաբաբյանը, բայց մարզպետ նշանակվեց Արմավիրի հետ ոչ մի ընդհանրություն չունեցող առողջապահության ոլորտի կազմակերպիչ Գագիկ Միրիջանյանը:

Միրիջանյանը ոչ միայն Արմավիրի մարզի հետ, նա նույնիսկ «Ծառուկյան» դաշինքի և ԲՀԿ-ի հետ ոչ մի կապ չունի, նա 2017թ. խորհրդարանական ընտրություններում եղել է ՀՅԴ թիվ 2 ընտրատարածքի ռեյտինգային թեկնածու և ստացել 589քվե:

Այն դեպքում, երբ Աղաբաբյանը, որպես «Ծառուկյան» դաշինքի թեկնածու, ստացել է 9535 քվե: Արայիկ Աղաբաբյանը պատգամավորական մանդատը վայր դնելու և ԲՀԿ-ից դուրս գալու մասին հայտարարություն չարեց, բայց նա ևս կարող է մինչև հոգու խորքը վիրավորված լինել Ծառուկյանի նման անարդար վերաբերմունքից:

Երբ Ծառուկյանը նշանակում էր կառավարության անդամներին, նա ընդհանրապես հաշվի չառավ «Ծառուկյան» խմբակցության պատգամավորների կարծիքը՝ համարելով, որ այդ մարդիկ ընդհանրապես կարծիք հայտնելու իրավունք չունեն:

Բայց խմբակցության անդամներից շատերը դեմ չէին լինի աշխատել կառավարությունում` ներկայացնել ԲՀԿ-ն և «Ծառուկյան» դաշինքը, ինչպես դա արեցին «Ելք» խմբակցության չորս պատգամավորներ, այդ թվում՝ վարչապետ Նիկոլ Փաշինյանը:

Բայց Ծառուկյանը իր կադրային քաղաքականության մեջ չի առաջնորդվում որպես ԲՀԿ նախագահ, կամ որպես քաղաքական գործիչ, նրան ավելի շատ հետաքրքրում են իր անձնական ամբիցիաները, իր անձնական շահերը: Շատերը տեսնում և հասկանում են դրա կործանարար լինելը, բայց ոչ ոք չի համարձակվում նրան դրա մասին ասել, որովհետև կամ վախենում են, կամ համարում են, որ անօգուտ է, միևնույն է, դրանից ոչինչ չի փոխվելու:

Կա մի այլ բացատրություն ևս. Ծառուկյանը իր կադրային նշանակումների մի մասը փորձում է բացատրել վարչապետ Նիկոլ Փաշինյանի հետ թեկնածությունները համաձայնեցնելու անհրաժեշտությամբ:

Իբրև թե Ծառուկյանի առաջարկած ոչ բոլոր թեկնածուներին է Փաշինյանը համաձայնվում նշանակել այն պաշտոններին, որոնք, ըստ պայմանավորվածության, տրվել են «Ծառուկյան» դաշինքին:

Բայց եթե դրանք «Ծառուկյան» դաշինքի տեղերն են, և այդ պաշտոնյաների գործունեության քաղաքական պատասխանատվությունը ստանձնում է «Ծառուկյան» դաշինքը, ապա տրամաբանական չէ, որ վարչապետ Փաշինյանը լրացուցիչ արգելքներ սահմանի:

Իսկ եթե իսկապես սահմանում է, ապա այդպիսով Փաշինյանին հաջողվում է սեպ խրել «Ծառուկյան» դաշինքում և Ծառուկյանի մերձավոր շրջապատում՝ օտարացնելով քաղաքական թիմը Ծառուկյանից:

Ծառուկյանը մտնելով քաղաքական կոալիցիայի մեջ, նպատակ ուներ դրա միջոցով ամրապնդել իր և իր ղեկավարած կուսակցության հեղինակությունը և ավելի ուժեղ դիրքերից մասնակցել արտահերթ խորհրդարանական ընտրություններին:

Ծառուկյանի կադրային նշանակումները, և դրանց հետևող ու դեռ առջևում տեղի ունենալիք իրադարձությունները, ընդհակառակը, ավելի են թուլացնելու ԲՀԿ-ն ու Ծառուկյանին, և նա ընտրություններին մասնակցելու է չափազանց թուլացած ու պառակտված, կամ ընդհանրապես չի մասնակցելու:

Загрузка...
loading...
Քիչ առաջ Երևանի կենտրոնում հատուկ գործողություններ են իրականացվել. տեսանյութ Որտեղից է սկսել Մանվել Գրիգորյանը. Փաշինյանը գտել է բանալին Ո՞վ է գեներալ Մանվել Գրիգորյանի կինը. Ընտանեկան լուսանկարներ Ով էր Մանվել Գրիգորյանին բերման ենթարկող ԱԱԾ աշխատակիցը. (տեսանյութ) Մանվել Գրիգորյանի տղան կամ «նարկաման» է, կամ «ղումարբազ». ասել էր Սեյրան Սարոյան Գագիկ Սուրենյանը՝ Մանվել Գրիգորյանի մասին Էս ինչ հրեշ է այս մարդ կոչված կենդանին. Անահիտ Բախշյան Ներիր մեզ, իմ քաջ զինվոր. Նիկոլ Փաշինյան 8 հատ ավտո, 8 հատ էլ կնիկ ունեմ. Մանվել Գրիգորյան ՇՏԱՊ. Առաջին կադրերը, թե ինչ են հայտնաբերել Մանվել Գրիգորյանի ամառանոցում: Մանվել Գրիգորյանի կողմնակիցները փակել են Նալբանդյան փողոցը. ոստիկանները փորձում են ցրել նրանց «Ձեր հորն ԱԱԾ-ն տարել է, տեղյա՞կ եք». լրագրողները՝ Էջմիածնի քաղաքապետին Էջմիածնում վիճակը լարված է. ինչպես է ԱԱԾ-ն տանում Մանվել Գրիգորյանին Ինչպես են Էջմիածնում բերման ենթարկում Դոն Պիպոյին Դոն Պիպոն բերման է ենթարկվել. (Տեսանյութ) Էջմիածնի քաղաքապետ` Կարեն Գրիգորյանը, սպառնա՞ց Մարտի 1-ով. (Տեսանյութ) Վլադիմիր Գասպարյանն իր մոտ է կանչել պատգամավորին ու ապտակել. «Հրապարակ» Դերասանները հանրահավաքից առաջ Դոն Պիպոյի տանը խնջույք են արել. (լուսանկարներ) «Մունդիալ 2018»-ի բացումը. անտեսելով դիվանագիտական արարողակարգը Սարգսի` կնոջ առաջ ծնկի գալը. Սարգիս–Մանո զույգի երկրորդ հարսանիքը Ուշագրավ միջադեպ Մոսկվայում Սմբատ Գոգյանի գեղեցիկ ընտանիքի լուսանկարները Վլադիմիր Պուտինը Նիկոլ Փաշինյանին ծանոթացրել է Իլհամ Ալիեւի հետ Վարչապետի որդու՝ Աշոտ Փաշինյանի ընկերուհին .(լուսանկար) Ուշագրավ դեպք: Այսքանից հետո՝ ինչպես չհպարտանալ Փաշինյանով ՀՀԿ-ում մնաց 36 պատգամավոր. ի՞նչ «հեղափոխություն» տեղի ունեցավ երեկ Սկանդալային բացահայտումներ՝ գլխավոր դատախազի նախկին տեղակալից՝ Գեւորգ Կոստանյանի մասին Ինչու է Նիկոլ Փաշինյանը նիհարում ու անընդհատ հազում. պատասխանում է անձամբ վարչապետը «Նախկին վարչապետ Տիգրան Սարգսյանը «Նաիրիտ»-ից գողացել է մոտ 300 մլն դոլար». Աշոտ Գրիգորյան. (Տեսանյութ) Դոն Պիպոյի պատճառով իմ երեխան դեռևս չի տեսել իր հորը. Անաիս Սարդարյան

Яндекс.Метрика
website by Sargssyan