Այսօր՝ 24 մայիսի 2019թ., 00:00

Ինչ կպայթեցնի Պավլիկ Մանուկյանը վարչապետի հետ հանդիպմանը


Lragir.am-ը գրում է․

 

Հոկտեմբերի 10-ին կալանքից ազատ է արձակվել 2016 թվականի հուլիսին Սասնա ծռեր խմբի կազմում ՊՊԾ գունդը գրաված Պավլիկ Մանուկյանը, որը վերջին ամիսներին դատական գործընթացում արեց մի շարք աղմկոտ հայտարարություններ:

Պավլիկ Մանուկյանը կալանքից ազատ է արձակվում հատկանշական քաղաքական պահի, նկատի ունենալով ի դեպ ոչ միայն նրա աղմկոտ հայտարարությունները երեք ոստիկանների սպանության, ՊՊԾ գնդի բանկոմատի կողոպտման, Գարեգին Չուգասզյանի դերակատարության մասին, այլ նաեւ այն, որ Պավլիկ Մանուկյանը չմիացավ Սասնա ծռեր կուսակցության ստեղծման գործընթացին եւ հայտարարեց, որ չի աջակցում այդ կառույցի ստեղծմանը:

Ազատության մեջ հայտնվելուց հետո Մանուկյանը հայտարարել է, որ անպայման հանդիպելու է վարչապետ Նիկոլ Փաշինյանին: Ընդ որում, ասելով, որ «ով ասես հանդիպեց Սասնա ծռերի անունից, բայց Սասնա ծռերից ոչ ոք չի հանդիպել»:

Մանուկյանը խոսում է ուշագրավ տողատակերով: Նա կրկնել է իր աղմկահարույց հայտարարությունները եւ ասել, որ այցելելու է նաեւ զոհված ոստիկանների շիրիմին, նշելով, որ «նրանց էլ զոհ» է համարում:

Զոհերը ըստ էության հենց նրանք էին, այսինքն միայն երեք ոստիկաններն էին, հետեւաբար Պավլիկ Մանուկյանը ասելով, որ զոհ է համարում «նրանց էլ», ակնարկում է, որ կան էլի զոհեր: Խնդիրն այստեղ այն չէ իհարկե, որ խոսքը մինչ այժմ գաղտնի պահված զոհերի մասին է:

Մանուկյանը գուցե ակնարկում է, որ «զոհաբերության» շրջանակը եղել է ավելի մեծ, պարզապես իրադարձությունների հետագա զարգացումը ընթացել է այնպես, որ ինչ որ կերպ կանխվել է այդ շրջանակի «ամբողջական» իրականացումը:

Պարզ չէ, խոսքը հենց ֆիզիկական հնարավոր զոհաբերությունների մասին էր, թե՞ այլ բնույթի, երբ կարող էր զոհաբերվել ընդհուպ պետությունը: Հնարավոր է թե մեկը, թե մյուսը:

Ի վերջո, 2016 թվականի հուլիսին ստեղծվել էր մի իրավիճակ, երբ իրադարձությունների զարգացումը իսկապես կարող էր բերել պետականության կորստի, եւ դա առանց չափազանցության, դատելով թե արտաքին արձագանքներից, թե ներքին իրողություններից:

Եվ այդ իմաստով 2016-ի հուլիսյան դեպքերն առ այսօր շարունակում են մնալ բազմաթիվ հարցերով ու հարցականներով:

Աներկբա է, որ համենայն դեպս կազմի մի զգալի մասով ազնիվ մղումներով մարդկանց ներառող խումբը կատարել է մի քայլ, որը բերել է հանցավոր ու ողբերգական հետևանքի:

Եվ անկասկած է նաեւ, որ թե հասարակության, թե իշխանության, թե մի շարք քաղաքական ուժերի համարժեք պահվածքի բացակայության դեպքում ողբերգության ծավալն ու խորությունը լինելու էր շատ ավելին:

Արդյոք Պավլիկ Մանուկյանը կտա այդ կապակցությամբ եղած հարցերի գոնե մի զգալի մասի պատասխանը:

Եվ կտա դա բարձրաձա՞յն, թե՞ կասի միայն Նիկոլ Փաշինյանին, հատկապես ներքաղաքական իրավիճակի համար ներկայիս վճռորոշ պահին, երբ հանգուցային փուլ է մտնում ամբողջական իշխանափոխության խնդիրը, և մեծ հաշվով հին համակարգը գուցե պատրաստվում է դիմադրության մի վերջին ջանքի:

Ավելի վաղ դատարանում տարածվել էին այդ օրերին ՊՊծ գնդում հեռախոսազրույցները, այդ թվում Պավլիկ Մանուկյանի խոսքով, որը կոչ էր արել Նիկոլ Փաշինյանին «նետել աղբարկղը»:

Իսկ Փաշինյանն այդ օրերին փորձում էր կանխել իրադարձությունների այնպիսի զարգացումը, որը կբերեր բախման ուժգնության:

Փաշինյանը հենց այդ օրերից էր արձանագրում, որ հանրության հաղթանակի գրավականը զենքը չէ, այլ վեր պարզած ձեռքերն ու բռնությանը բռնությամբ չպատասխանելը:

Խոշոր հաշվով, երկու տարի անց Նիկոլ Փաշինյանն ապացուցեց իր իրավացիությունը, սակայն Սասնա ծռեր խմբավորումը, եւ ընդհանրապես իհարկե Սերժ Սարգսյանից բացի ոչ այլ ոք չհամարձակվեց հայտարարել, որ Նիկոլը ճիշտ էր, իրենք սխալվեցին:

Ի վերջո, նախկին իրականությունը միայն նախկին իշխանությունը չէ, այլ նաեւ այդ իշխանության բնույթից պրոյեկցված ընդդիմադիր իրականությունը, եւ այդ համակարգը կարող է հեռանալ միայն փաթեթով, ոչ թե միայն իշխանությամբ:

Դրա փոխարեն սակայն նախկին տարբեր կալիբրի եւ բնույթի ընդդիմությունները փորձում են ամիսներ շարունակ «փայ մտնել» հեղափոխությանը, միայն թերեւս համեստության գերճիգով չհայտարարելով, թե թավշյա հեղափոխությունն իրականում իրենք են սկսել դեռեւս իրենց ծնունդով:

Արդյոք Պավլիկ Մանուկյանը պատրաստ է ասել, որ Նիկոլը ճիշտ էր, իրենք սխալվեցին:

Արդյոք նա պատրաստվում է Նիկոլ Փաշինյանի հետ հանդիպմանը պայթեցնել նախկին համակարգի փաթեթը եւ դրանով իսկ որոշակիորեն «փոխհատուցել» Փաշինյանի հասցեին հասկանալիորեն զգայական բավական արտառոց վիճակում ասված հայտարարությունը:

Թե Մանուկյանն այժմ էլ այլ զգայականության տիրույթում է եւ կարող է առավել խճճել իրավիճակը:

Загрузка...
loading...
«Ժողովուրդ, ես հողին եմ հանձնում իմ վերջին զավակին, բայց վայը եկել ու ձեզ տարել է, եթե դուք գյուղը հանձնեք» Աղը կօգնի ազատվել անհաջողություններից, խնդիրներից, նեգատիվից. Աղը կարող է փոխել մեր կյանքը դեպի լավը Հորոսկոպի 3 նշան, ում բախտը 2019-ին լիովին կբերի Հորոսկոպի 3 նշան, ում բախտը 2019-ին լիովին կբերի «Tete A Tete» օնլայն հաղորդմանը Անժելա Սարգսյանը խոսում է սեքս սկանդալի ու «Կյանքի խոսք»-ի մասին. (Video) Դատավոր Դավիթ Բալայանը փորձեց պատուհանից մտնել դատարան. ցուցարարները խոչընդոտեցին, դատավորը վայր ընկավ ՏԵՍԱՆՅՈՒԹ․ Քիչ առաջ Վիտալի Բալասանյանի ավտոմեքենան կանգնեցրել են զենք-զինամթերքի պատճառով Սիրուշոյի արձագանքը՝ Ռոբերտ Քոչարյանի խափանման միջոցը փոխելու մասին դատարանի որոշումից հետո Որոնք են այն կանայք, որոնց տղամարդիկ չեն լքում Միսը լվանալ չի կարելի. մի քանի խորհուրդ՝ մասնագետից. «Փաստ» Խոշոր ՃՏՊ Սարալանջում, մեքենան 20 մետրից գահավիժել է. (Video) Խայտառակ կադրեր. Ինչպես են օդնաավակայանի աշխատակիցները ծիծաղում այրվող ինքնաթիռի վրա. (Տեսանյութ) «Եթե պիտի տանից դուրս սեքս ունենաս, հաշմանդամություն ունեցող մարդու համար շատ դժվար ա մատչելի տեղ գտնել». Զարուհի Բաթոյան․ (Տեսանյութ) «Շերեմետևո» օդանավակայանում այրված ինքնաթիռի ուղևորը տեսանկարել է օդանավում տիրող խուճապը. (Video) Արթուր Բաղդասարյանի դստեր՝ Էլինա Բաղդասարյանի շքեղ հարսանիքը․ (տեսանյութեր) Բացառիկ տեսանյութ այսօր Մոսկվայում այրվող ինքնաթիռի ներսից․ (թույլ նյարդեր ունեցողներին՝ չդիտել) Ահասարսուռ կադրեր` «Շերեմետևո» օդանավակայանից․ ուղևորները ցատկում են այրվող ինքնաթիռի աստիճաններից. (Տեսանյութեր) Արթուր Բաղդասարյանի դուստրն ամուսնացել է. (Ֆոտոշարք) Բաքուն աշխուժացել է։ Երևանի չոր պատասխանը․ (տեսանյութ) Հաղարծինում տեղի ունեցավ խաչաղբյուրի օծում` Իքս գրուպ կոնցերնի նախագահ Խաչիկ Խաչատրյանի բարերարությամբ Կենդանակերպի նշանների դավաճանությունների պատճառները. աստղաբանների 12 բացատրությունները «Դարի հարսանիքը». Պզոյի դստեր հարսանյաց արարողության տեսագրությունը. (ՏԵՍԱՆՅՈՒԹ) 5 նշան, որ ձեր կինը սիրեկան ունի Պզոյի դստեր հարսանիքի տեսանյութերը հայտնվել են համացանցում Տեղի է ունեցել Պզոյի դստեր հարսանիքը. Քավորը Սամվել Ալեքսանյանն է «Ոնց որ փչացած ռադիո ըլնես, արա». ոստիկանը՝ Արարատ Միրզոյանի կնոջը․ (Տեսանյութ) Միայն նայեք այս անհավատալի փոխակերպմանը. կարծես բացարձակ տարբեր մարդիկ լինեն․ (Տեսանյութ) Շտապ․Կրկին խոշոր հրդեհ Ֆրանսիայում. Կարող է այրվել Վերսալի պալատը․ (ՏԵՍԱՆՅՈՒԹ) Վարչապետ Նիկոլ Փաշինյանը Ռոսիա 1 հեռուստաալիքի 60 минут հաղորդման եթերում ԱԱԾ-ն անսպասելի խուզարկություններ է կատարել «Զոն նայողի»-ի բանտախցում. (ՏԵՍԱՆՅՈՒԹ)

Яндекс.Метрика
website by Sargssyan