Այսօր՝ 25 մարտի 2019թ., 00:00

«Չհասկացա ոնց՝ դանակը ֆռռաց ու մտավ մորս փորը..». Արմավիրում 40-ամյա տղամարդը հարբել ու դանակահարել է մորը


1in.am-ը գրում է․

 

Արմավիրի մարզի ընդհանուր իրավասության դատարանում Արթուր Ադամյանի նախագահությամբ ավարտվել է Արթուր Բ.-ի գործի դատական քննությունը:

40-ամյա Արթուրին մեղադրանք էր առաջադրվել տուժողի առողջությանը դիտավորությամբ ծանր վնաս հասցնելու համար՝ ՀՀ քրեական օրենսգրքի 112 հոդվածի 1-ին մասով:

Գործով տուժողը Արթուրի մայրն է…

Ըստ դատական ակտի՝ Արթուր Բ.-ն բնակվել է մոր հետ: Նա չարաշահել է ալկոհոլի օգտագործումը և հաճախակի վիճել է մոր հետ: Վերջինս որդուն նախատել է խմելու համար, իսկ որդին հիվանդագին է ընդունել մոր դիտողությունները, մշտապես վեճի է բռնվել մոր հետ:

2018 թվականի ապրիլի 6-ին՝ Մայրության օրվա նախօրեին, Արթուրը աշխատանքից տուն է վերադարձել ուշ երեկոյան և սկսել է օղի խմել: Մայրը խոհանոցում դիտողություն է արել Արթուրին,

վերջինս վիճել է մոր հետ, ապա խոհանոցի սեղանին դրված սպիտակ բռնակով դանակը վերցրել ու մեկ հարված է հասցրել մոր որովայնի շրջանին՝ պատճառելով ծանր մարմնական վնասվածք՝ թափանցող վերք, որն ուղեկցվել է սիգմայաձև աղու վնասումով, ներքին և արտաքին արյունահոսությամբ:

Դրանից հետո Արթուրը փոխել է մոր շորերը, արյունոտ շորերը տարել-պահել կամ դեն է նետել, դանակը թաքցրել է խոհանոցի պահարանի դարակում, ապա փակվել է իր ննջարանում:

Վիրավոր մայրը պառկել է խոհանոցի թախտին, լուսացրել է գիշերը, իսկ առավոտյան զանգել ու կանչել է աղջկան՝ խնդրելով հետը ցավազրկող դեղ տանել:

Դուստրը այցելել է մորը, տեսել է նրա ստացած վնասվածքը, պատահական տաքսիով տեղափոխել է բուժամբուլատորիա, ապա՝ Արմավիրի հիվանդանոց:

Նախաքննության ընթացքում Արթուր Բ.-ն իրեն մեղավոր չի ճանաչել, պնդել է, թե մորը դիտավորյալ չի հարվածել: Նա նշել է, թե ապրիլի 6-ին, ժամը 23-ի սահմաններում «բանվորական գործից» տուն է վերադարձել: Մայրը խոհանոցում հաց է դրել, բայց ինքը չի կերել: Մայրը սեղանը հավաքել է: Ինքը վերհիշել է կնոջ հետ ունեցած անձնական խնդիրները, իր հետ տուն տարած օղու շիշը վերցրել, մտել է իր ննջասենյակ ու ամբողջությամբ խմել է կես լիտր օղին: Այդ պահին չի հասկացել՝ ինչ է կատարվել իր հետ: Գնացել է խոհանոց, վերցրել է դանակը, որ ինքն իրեն վնասի: Այդ պահին մայրը նկատել է, հարցրել է՝ ի՞նչ ես անում, ինքն ասել է, որ ուզում է վնասել իրեն:

Մայրը մոտեցել է, որ թույլ չտա: Ինքը չի հասկացել՝ ոնց է ստացվել, որ «դանակը պտտվել է իր ու մոր ձեռքերի մեջ ու մտել է մոր փորը»: Մայրը ցավից բղավել է: Ինքը սառը թրջոց է բերել ու դրել է վերքի վրա, հետո տարել-լվացել է շորը: Նորից թրջոց է դրել վերքի վրա ու գնացել է քնելու:

Ապրիլի 7-ի առավոտյան արթնացել է մոր տնքոցից: Նրան սառը ջուր է տվել: Եկել է իր քույրը, մորը տեղափոխել է հիվանդանոց: Ինքը դեպքից հետո շոկի մեջ է եղել, դրա համար մորը հիվանդանոց չի տեղափոխել: Ինքը մորը դիտավորյալ չի հարվածել…

Դատարանում Արթուր Բ.-ն զղջացել է կատարածի համար ու իրեն լիովին մեղավոր է ճանաչել՝ խնդրելով մեղմ վարվել և Համաներման ակտը կիրառել…

Տուժողը՝ Արթուրի մայրը, հայտնել է, որ դեպքի օրը որդին ուշ է տուն եկել աշխատանքից: Ինքը հաց է դրել ու նստել է խոհանոցի թախտին՝ սպասելով, որ նա հաց ուտի: Տեսել է, որ Արթուրը լավ խմած է: Խնդրել է, որ այլևս օղի չխմի: Արթուրն այդ խոսքերից կատաղել է, սկսել է գոռգոռալ իր վրա: Ինքը նկատել է, որ նա խոհանոցի դարակից վերցրել է պլաստամասսայե բռնակով հացի դանակը: Սկզբում չի հասկացել՝ ինչ է ուզում անել Արթուրը: Բայց խնդրել է, որ ոչ մի բան չանի, ասել է. «Բալա ջան, հանկարծ բան չանես»: Բայց Արթուրը չի ցանկացել ոչինչ հասկանալ:

Ինքը կանգնել է նրա առաջ, փորձել է դանակը խլել: Արթուրը բնականաբար իրենից ուժեղ էր, ինքը դանակը չի կարողացել խլել, այդ ժամանակ ձախ կողքին դանակով հարված է զգացել ու հասկացել է, որ Արթուրը հարվածեց իրեն:

Նա ահավոր կատաղած էր, բայց ինքը չէր սպասում, որ նման բան կանի: Ինքը դանակը չի քաշել…

Որպես մայր՝ կարող է ասել, որ հարվածը պատահաբար է ստացվել՝ Արթուրը չէր ցանկանա դիտավորյալ իրեն հարվածել: Ինքն իր տղայի դեմ բողոք, նյութական պահանջ չունի: Արթուրը նեղված էր անձնական կյանքի, ընտանիքի բաժանության, երեք երեխաների՝ իր մոտ չլինելու պատճառով:

Տուժողը նաև խնդրել է, որ որդուն բուժեն: Եվ խնդրել է նրան ազատազրկման չդատապարտել, որ նա վերադառնա ու դառնա իր խնամակալը…

Ամբաստանյալի քույրը հայտնել է, որ եղբայրն ամուսնալուծված է ու նախկինում սպանության համար դատապարտված է եղել: «Օյաղ» ժամանակ Արթուրը շատ համբերատար ու բարի է, իսկ թեկուզ մեկ բաժակ խմելուց հետո դառնում է ագրեսիվ ու անկառավարելի: Հատկապես երբ նա հիշում է երեխաներին, դառնում է «անճանաչելի»: Բայց կինն էլ երեխաներին վերցրել ու հեռացել է հենց՝ Արթուրի խմելու պատճառով… Վկան ասել է, թե մայրը սկզբում իրեն հայտնել է՝ իբր նկուղում ընկել է «բանկաների» վրա, նա այդպես է ասել նաև հիվանդանոցում…

Արթուր Բ.-ի մոտ ախտորոշվել է հոգեկան ու վարքի խանգարումներ՝ ալկոհոլային խմիչքների գործածման հետևանքով՝ կախվածության համախտանիշ…

Դատարանը Արթուր Բ.-ին մեղավոր է ճանաչել ՀՀ քրեական օրենսգրքի 112 հոդվածի 1-ին մասով և դատապարտել է 4 տարի ազատազրկման: Նրա նկատմամբ նշանակվել է նաև բժշկական բնույթի հարկադրանքի միջոց՝ հարկադիր բուժում՝ ալկոհոլամոլությունից:

Համաներման ակտի համապատասխան դրույթի կիրառմամբ Արթուր Բ.-ն ազատվել է պատժի կրումից, նրա նկատմամբ կիրականացվի միայն հարկադիր բուժումը:

Արթուր Բ.-ն կալանքից ազատ է արձակվել դատարանի դահլիճում:

Загрузка...
loading...
Ինչ շքեղ տեսքով է Մարինկա Խաչատրյանը ներկա գտնվել ու երգել քույրիկի նշանադրության օրը. (ՖՈՏՈ, ՎԻԴԵՈ) Քիչ առաջ ծեծկռտուք է տեղի ունեցել երևանյան երթուղայիններից մեկի մեջ․ «Ձենդ, կոկորդդ կկտրեմ, հերդ դագաղդ դնի». (Տեսանյութ) Փոքրիկ Միշան՝ իր հզոր ելույթով, իրար է խառնել ամբողջ Ադրբեջանը Այս հինգ հայտնիները երևի չեն հասկացել, որ հայկական փորն այլևս նորաձև չէ. ՖՈՏՈ Հրապարակվել է Քիմ Քարդաշյանի մանկական լուսանկարը պապի՝ Արթուր Քարդաշյանի հետ Հրապարակվել է Քիմ Քարդաշյանի մանկական լուսանկարը պապի՝ Արթուր Քարդաշյանի հետ Ինչ է լինում, երբ տղամարդը որոշում է մասնակցել կնոջ ծննդաբերությանը․ (Video) Տաթևիկ Ադումյանը սիրառատ ու ռոմանտիկ երեկոն ամուսնու հետ. (Video) Գողը, գողացված դրամապանակի մեջ տեսնելով ՍԱ, գնաց և հանձնվեց ոստիկանությանը Նաիրի Հունանյանի բաց նամակը՝ Ռոբերտ Քոչարյանին «Մերժվածը» հնդկական հեռուստասերիալն ավարտվում է. (Տեսանյութ) Շուշան Պետրոսյանը հրապարակել է Փաշինյանի որդու լուսանկարը և գրառում կատարել. (ՖՈՏՈ) Անժելա Սարգսյանը ուշադրություն չի՞ դարձնում, թե իր դուստրն ինչպես է մեծանում. ՎԻԴԵՈ Անժելա Սարգսյանը անկողնուց բարի գիշեր է մաղթել իր հետևորդներին. ՖՈՏՈ Վտանգ է հայտարարվել. ինչ է սպառնում Արցախին Լուլուն հանուն Կարեն Կարապետյանի պատրաստ էր արտագաղթել. politik.am Հինգ հայ դերասաններ, որոնց պատճատով այս ֆիլմերը ձախողվել են Հինգ դերասան, որոնց հետ նույնիսկ անկողնային տեսարաններ խաղալն է զզվելի «Ինձ ապշեցրեց Ռոբերտի․․․»․ Քոչարյանի կնոջ ուշագրավ հարցազրույցը Արմավիրում 4 երեխաների 37-ամյա մայրը նորածնին սպանել, ապա մարմինը տոպրակով նետել է աղբարկղի մեջ Եթե ձեր տանը մնացել է այս հին կարի մեքենայից, դեն մի նետեք այն. դրանք գնում են հնահավաքները Արուս Տիգրանյանը բացահայտել է, թե ով է Գուրգեն Դաբաղյանի ընկերուհին. (տեսանյութ) Ինչքանով են երգում հայ երգիչները հարսանիքներին Բախում Օպերայի մոտ. տուժել է նաև պատգամավոր Նաիրա Զոհրաբյանը Արմավիրում 33-ամյա տղամարդը իմանալով կնոջ ու մանկության ընկերոջ ինտիմ կապի մասին՝ սպանել է ընկերոջը 17-ի փոխարեն կլինի 12 նախարարություն. գործադիրն ընդունեց մեծ աղմուկ հանած նախագիծը «Հրապարակ». Պուտինը դժգոհել է Սերժ Սարգսյանից «Որդիս 21 տարեկան կարող էր լինել․․․ բայց ես կորցրի նրան»․ Անդրեի սկանդալային խոստովանությունը Համացանցը քննարկում է Փաշինյանի աշխատակազմին սպասարկող մեքենայի ԱՅՍ տեսանյութը. ոչ ոք նման բան չէր սպասում Սպարապետն այս ավտոմեքենան Սիրիայի նախագահից չի ստացել. ահա G դասի Մերսեդեսի ԻՐԱԿԱՆ պատմությունը

Яндекс.Метрика
website by Sargssyan