Այսօր՝ 25 մարտի 2019թ., 00:00

Ամուսնու նամակը հիվանդանոցից՝ ավտովթարի զոհ դարձած տիկնոջը


Newsbook.am-ը գրում է․

 

Դեկտեմբերի 29-ին Սյունիքի մարզում խոշոր ու ողբերգական ավտովթար գրանցվեց. ժամը 13։40-ի սահմաններում Երևան-Մեղրի ավտոճանապարհի 201 կմ հատվածում՝ Սիսիանի վարչական տարածքում, բախվել էին Opel մակնիշի 35 VA 085 համարանիշի և Mercedes Sprinter մակնիշի 3759 Լ համարանիշի ավտոմեքենաները։

Վթարի հետևանքով 1 հոգի տեղում մահացել էր, 15 հոգի մարմնական վնասվածքներով, մի մասը՝ քաղաքացիների օգնությամբ, մի մասն էլ՝ Սիսիանի Աղիտուի զինվորական հոսպիտալի և Սիսիանի հիվանդանոցի բժիշկների օգնությամբ, տեղափոխվել էին հիվանդանոցներ։

Մահացողը Էլլա Միրզոյանն էր, որի ամուսինն ու կրտսեր դուստրը եղել են ավտոմեքենայում: Նրանք երկուսն էլ ավելի ուշ են իմացել տիկին Էլլայի մահվան մասին: Ընտանիքը մեկնում էր՝ ամանորը հարազատների հետ նշելու:

Երեկ տիկնոջ ամուսինը՝ Ռազմիկ Պողոսյանը, հիավնդանոցից հրաժեշտի նամակ է ուղղել կնոջը՝ այն վերնագրելով այսպես.

«Նամակ Էլլայիս հիվանդանոցից»:

«Դաշնամուրի կախարդող,թեթև,սիրառատ, զիլ նոտաներով մտար սիրտս, Սիրելի՛ս։ Գարնան արևի ջերմացնող շնչի պես նվաճեցիր հոգիս, դարձար արևածագս ու մայրամուտս, հարսի քողով մտար օջախս՝ այնքան փխրուն, այնքան ջինջ,այնքան ժպտուն։

Միասին սկսեցինք մեր երկրային ճամփորդությունը քո հայրական տնից՝Մինգեչաուրից դեպի չնաշխարհիկ Գորիս, դեպի Պողոսյանների տուն, ուր հետո պիտի դառնայիր նաև ընտանիքիս ու գերդաստանիս ճրագը, հետո քաղաքիս սիրելի նվիրյալ մանկավարժ Էլլա Մարտունովնան, ապա Տիգրանավանի Պետրոս Ղևոնդյանի անվան դպրոցի վաստակաշատ ուսուցիչը։

Ու ծնվեցին մեր հարստությունները՝ իմ ու քո 5 դուստրերը՝ առաջնեկը՝ Լիլիթը,հետո հեքիաթային Անահիտը, վճռական բժշկուհին՝ Սոնան, ամենահաս փաստաբան Մարգարիտան և մեր տան փոքրը՝ անուշիկ Սևաննան, ով այդպես էլ փոքր մնաց, որ մենք, Սիրելի՛ս, հավերժ երիտասարդ մնանք,միշտ լինենք մեր սիրելի թոռնիկների՝ Նաիրայի ու Արմենի, Հասմիկի ու Նշանի,ու դեռ չծնված մյուս թոռնիկների երիտասարդ պապիկն ու տատիկը։

Մեր նավարկության ժամանակ ծովը և՛ խաղաղ ծփաց,և՛ ալեկոծվեց,բայց մեր նավն անբեկանելի էր, քանի որ ամեն բան ազնիվ էր, բարի ու անչար․համենայն դեպս մեր ծնողները մեզ այդպես են դաստիարակել։Այդ մասին դեռ շատ են պատմելու, պատմելու են ամենուր, պատմելու են բոլորին, մեզ չեն խանգարում, թող պատմեն, չէ՞ որ լավ բաները պետք է միշտ պատմել։

Դու՝սիրելի՛ս, այսօր Տիրոջ կամքով գնում ես դեպի հավերժություն՝ միանալով մեր երկնային ընտանիքին, և չգնալ չես կարող։

Քանի որ Տիրոջ կամքը միշտ բարի է, ուրեմն բարին քեզ հետ, թող Տերը բոլոր ցրտերից քեզ պաշտպանի ու իր հովանու տակ պահի, իմ կյանքի՛ ընկեր։

Դու լույս էիր, լույս ես ու լույս կմնաս մեր անավարտ սիրավեպում։ Թեկուզ ուշացած, բայց մի օր կգամ, սպասիր սիրելիս, կգամ ու հին օրերի պես կմիանանք իրար, գլուխ գլխի կտանք՝ միասին լուսավորելով մեր զավակների ու սիրելիների ճանապարհը։ Բարի ճանապարհ, Լա՛վ Մարդ։

Քո հավերժական սեր՝ Ռազմիկ Քաղաք Գորիս 2019 թվական, հունվարի 2»:

Հ.Գ. Տիկին Էլլայի և Ռազմիկի ավագ դուստրը՝ Լիլիթ Պողոսյանը, սովորել է ԵՊՀ-ի ժուռնալիստիկայի ֆակուլտետում: Մինչ Հայաստանից մեկնելը նա զբաղվում էր ակտիվ լրագրությամբ:

Այսօր նա Թուրքիայում հայերեն է դասավանդում, աշխատում է Հրանտի Դինքաի անվան վարժարանում: Լիլիթը NewsBook-ի հետ մշտապես համագործակցել է՝ հայ ընթերցողի ուշադրությունը սևեռելով Դինքի վարժարանին և, առհասարակ, Թուրքիայում Հայաստանին առնչվող իրադարձություններին:

Մեր վշտակցությունն ենք հայտնում Լիլիթին, նրա քույրերին ու հորը՝ տիկին Էլլայի անժամանակ ու ողբերգական մահվան առիթով: Մեր անձնական շփումները տիկին էլլայի հետ ընդմիշտ մնալու են թանկագին հիշողությունների պահոցում: Աղոթք ու խոնարհում հիշատակի առջև:

Загрузка...
loading...
Ինչ շքեղ տեսքով է Մարինկա Խաչատրյանը ներկա գտնվել ու երգել քույրիկի նշանադրության օրը. (ՖՈՏՈ, ՎԻԴԵՈ) Քիչ առաջ ծեծկռտուք է տեղի ունեցել երևանյան երթուղայիններից մեկի մեջ․ «Ձենդ, կոկորդդ կկտրեմ, հերդ դագաղդ դնի». (Տեսանյութ) Փոքրիկ Միշան՝ իր հզոր ելույթով, իրար է խառնել ամբողջ Ադրբեջանը Այս հինգ հայտնիները երևի չեն հասկացել, որ հայկական փորն այլևս նորաձև չէ. ՖՈՏՈ Հրապարակվել է Քիմ Քարդաշյանի մանկական լուսանկարը պապի՝ Արթուր Քարդաշյանի հետ Հրապարակվել է Քիմ Քարդաշյանի մանկական լուսանկարը պապի՝ Արթուր Քարդաշյանի հետ Ինչ է լինում, երբ տղամարդը որոշում է մասնակցել կնոջ ծննդաբերությանը․ (Video) Տաթևիկ Ադումյանը սիրառատ ու ռոմանտիկ երեկոն ամուսնու հետ. (Video) Գողը, գողացված դրամապանակի մեջ տեսնելով ՍԱ, գնաց և հանձնվեց ոստիկանությանը Նաիրի Հունանյանի բաց նամակը՝ Ռոբերտ Քոչարյանին «Մերժվածը» հնդկական հեռուստասերիալն ավարտվում է. (Տեսանյութ) Շուշան Պետրոսյանը հրապարակել է Փաշինյանի որդու լուսանկարը և գրառում կատարել. (ՖՈՏՈ) Անժելա Սարգսյանը ուշադրություն չի՞ դարձնում, թե իր դուստրն ինչպես է մեծանում. ՎԻԴԵՈ Անժելա Սարգսյանը անկողնուց բարի գիշեր է մաղթել իր հետևորդներին. ՖՈՏՈ Վտանգ է հայտարարվել. ինչ է սպառնում Արցախին Լուլուն հանուն Կարեն Կարապետյանի պատրաստ էր արտագաղթել. politik.am Հինգ հայ դերասաններ, որոնց պատճատով այս ֆիլմերը ձախողվել են Հինգ դերասան, որոնց հետ նույնիսկ անկողնային տեսարաններ խաղալն է զզվելի «Ինձ ապշեցրեց Ռոբերտի․․․»․ Քոչարյանի կնոջ ուշագրավ հարցազրույցը Արմավիրում 4 երեխաների 37-ամյա մայրը նորածնին սպանել, ապա մարմինը տոպրակով նետել է աղբարկղի մեջ Եթե ձեր տանը մնացել է այս հին կարի մեքենայից, դեն մի նետեք այն. դրանք գնում են հնահավաքները Արուս Տիգրանյանը բացահայտել է, թե ով է Գուրգեն Դաբաղյանի ընկերուհին. (տեսանյութ) Ինչքանով են երգում հայ երգիչները հարսանիքներին Բախում Օպերայի մոտ. տուժել է նաև պատգամավոր Նաիրա Զոհրաբյանը Արմավիրում 33-ամյա տղամարդը իմանալով կնոջ ու մանկության ընկերոջ ինտիմ կապի մասին՝ սպանել է ընկերոջը 17-ի փոխարեն կլինի 12 նախարարություն. գործադիրն ընդունեց մեծ աղմուկ հանած նախագիծը «Հրապարակ». Պուտինը դժգոհել է Սերժ Սարգսյանից «Որդիս 21 տարեկան կարող էր լինել․․․ բայց ես կորցրի նրան»․ Անդրեի սկանդալային խոստովանությունը Համացանցը քննարկում է Փաշինյանի աշխատակազմին սպասարկող մեքենայի ԱՅՍ տեսանյութը. ոչ ոք նման բան չէր սպասում Սպարապետն այս ավտոմեքենան Սիրիայի նախագահից չի ստացել. ահա G դասի Մերսեդեսի ԻՐԱԿԱՆ պատմությունը

Яндекс.Метрика
website by Sargssyan