Այսօր՝ 25 ապրիլի 2019թ., 00:00

Վտանգ է հայտարարվել. ինչ է սպառնում Արցախին


 

Lragir.am-ը գրել է․ Արցախի գլխին կախված է աբխազացման վտանգ, հայտարարել է Սասնա ծռեր կուսակցության առաջնորդ Ժիրայր Սէֆիլյանը: Ըստ նրա, դա նշանակում է, որ Արցախը կարող է անցնել ռուսական ազդեցության ներքո, ինչպես Աբխազիան կամ Հարավային Օսիան:

Չնայած այդօրինակ վտանգի մասին հայտարարելու կոնկրետ պատճառների, հիմքերի, վտանգի աղբյուրի մասին հստակեցումներ ստանալու Ազատություն ռադիոկայանի թղթակցի բոլոր ջանքերին, Սասնա ծռերի առաջնորդը այդպես էլ չի ներկայացրել գեթ մեկը, թեեւ հայտարարել է, որ առաջիկայում «կբացեն փակագծերը»:

Սասնա ծռերը Արցախի «աբխազականացման» վտանգը կանխելու համար հայտարարել են Հայաստանին մարզի կարգավիճակով միավորելու գործընթացի մեկնարկ: Դարձյալ չի մանրամասնվել, թե ինչ է ենթադրելու գործընթացն ամբողջությամբ:

Արցախի «աբխազականացման» վտանգի մասին Ժիրայր Սէֆիլյանը հայտարարում է այն ժամանակ, երբ Հայաստանի վարչապետն էլ հայտարարել է Արցախի սուբյեկտության բարձրացման պետական քաղաքականության մասին, որի շրջանակում Երեւանը հայտարարում է, որ բանակցային գործընթացում Արցախը պետք է լինի լիարժեք մասնակից կողմ, ինչպես նախատեսված է Մինսկի խմբի հիմնարար փաստաթղթերով:

Ստացվում է, որ Սասնա ծռերը սկսում են լիովին հակառակն անելու գործընթաց: Այսինքն, ոչ թե հակառակ դիրքորոշում են արտահայտում, այլ հայտարարում են հակառակն անելու գործընթացի մեկնարկ, միաժամանակ չներկայացնելով «աբխազականացման» վտանգները:

Արդյոք Արցախի սուբյեկտության մասին խոսելը, դրա բարձրացմանն ուղղված քաղաքականությունն են այդպիսի վտանգ համարում, արդյոք Երեւանի քաղաքականությունն են այդպիսի վտանգ համարում:

Թե՞ այդպիսի վտանգ են համարում օրինակ Արցախի պաշտպանության նախկին նախարար Սամվել Բաբայանի հայտարարությունները, որոնցում նա խոսում է Արցախը ռուսական մանդատի ներքո դնելու անհրաժեշտության մասին, նշելով, թե այլ կերպ հարցի լուծում չկա:

Ժիրայր Սէֆիլյանը ժամանակին սերտ գործակցել է Սամվել Բաբայանի հետ: Այժմ նրա հայտարարությունները համարու՞մ է Արցախի «աբխազականացման» վտանգ: Բաբայանն ի դեպ ծրագրում է մասնակցել Արցախի 2020 թվականի նախագահի ընտրությանը, թեեւ չունի դրա իրավական հիմքը, քանի որ հաշվառված է Հայաստանում:

Ժիրայր Սէֆիլյանն ի դեպ համարում է, որ դա կեղծ բաժանում է եւ արցախցիները պետք է ունենան Հայաստանում քվեարկելու հնարավորություն, իսկ Հայաստանում հաշվառվածներն էլ՝ Արցախում:

Մարտի 12-ին Արցախում հնչեց Նիկոլ Փաշինյանի ելույթը, որը գործնականում դնում է արցախյան հարցում հայկական նոր ռազմավարության հիմք:

Երեւանը գործնականում հայտարարեց մադրիդյան սկզբունքներից հրաժարվելու մասին, աշխարհքաղաքական ուժային կենտրոններին առաջարկելով երկխոսություն նոր սկզբունքների շուրջ:

Երևանը դա արեց այնպիսի ձեւակերպումներով, որքան հնարավոր եւ անհրաժեշտ էր մի փակուղային իրավիճակից դուրս գալով միանգամից այլ փակուղի չստեղծելու համար: Զուգահեռ, թավշյա հեղափոխությունից հետո ստեղծվում է սկզբունքորեն նոր իրավիճակ, եւ դրանում առանցքայինը հենց Արցախի սուբյեկտության հարցադրումն է:

Դրան զուգահեռ փաստորեն Հայաստանում հայտարարվում է լիովին հակառակ գործընթացի մասին:

Իհարկե դա հայտարարում է ուժ, որը խորհրդարանի դեկտեմբերի 9-ի ընտրությանը հավաքել է 1 տոկոսից փոքր ինչ ավելի ձայն, սակայն հաշվի առնելով Հայաստանում նախկին իշխող համակարգի այսպես ասած «պարտիզանական» գործողության տրամաբանությունը, ամենափոքր նախաձեռնությունն անգամ՝ օրինակ 3-4 սրճարանի ապամոնտաժումը, կարող է վերածվել քաղաքական մեծ աղմուկի եւ իրարանցման:

Բայց, մի բան է, երբ դրա «կենտրոնը» կամ «էպիկենտրոնն» Օպերայի հարակից տարածքն է, մեկ այլ բան, երբ խոսքն Արցախի մասին է: Այստեղ շրջադարձային մարտի 12-ից հետո որեւէ աղմուկ աշխատելու է բացառապես Հայաստանի դեմ, անգամ եթե արվում է Հայաստանին եւ Արցախին օգնելու ամենաանկեղծ մղումներով:

Ավելին, սովորաբար այդպիսի աղմուկները կառուցվում են հենց տարբեր մարդկանց անկեղծ մղումներն օգտագործելով ու շահարկելով, ինչպես գուցե 2016-ի հուլիսին, երբ Հայաստանում առաջացած սուր եւ վտանգավոր ճգնաժամն իր ազդեցությունն ունեցավ Վիեննայի օրակարգից Երեւանին «կտրելու» հարցում:

Իհարկե, ի տարբերություն Սերժ Սարգսյանի, Նիկոլ Փաշինյանն ունի շոշափելի լեգիտիմություն եւ դիմադրունակ է այդօրինակ մարտահրավերների առումով, լինի սուր ճգնաժամ, թե պարզապես քաղաքական աղմուկ: Բայց նստվածքից խուսափել չի ստացվի: Իսկ ու՞մ է դա անհրաժեշտ:

Загрузка...
loading...
Միայն նայեք այս անհավատալի փոխակերպմանը. կարծես բացարձակ տարբեր մարդիկ լինեն․ (Տեսանյութ) Շտապ․Կրկին խոշոր հրդեհ Ֆրանսիայում. Կարող է այրվել Վերսալի պալատը․ (ՏԵՍԱՆՅՈՒԹ) Վարչապետ Նիկոլ Փաշինյանը Ռոսիա 1 հեռուստաալիքի 60 минут հաղորդման եթերում ԱԱԾ-ն անսպասելի խուզարկություններ է կատարել «Զոն նայողի»-ի բանտախցում. (ՏԵՍԱՆՅՈՒԹ) ՎԻԴԵՈ. Ծեծկռտուք ու քաշքշոցներ` Սպիտակցի Հայկոյի մասնակցությամբ Տեսանյութ. Ծեծկռտուք ու քաշքշոցներ` Սպիտակցի Հայկոյի մասնակցությամբ Լիլիթ Հովհաննիսյանի ինքնազգացողությունը վատացել է համերգի ժամանակ․ (Video) Ռազբորկա ԱԺ նիստից հետո․ ի՞նչ է կատարվել Մարուքյանի աշխատասենյակում Հռոմի պապը համբուրում է Սուդանի իշխանության և ընդդիմության առաջնորդների ոտքերը՝ խնդրելով դադարեցնել պատերազմը. (Video) Նախկինում ինչպիսի՞ տեսք է ունեցել ԱԺ-ում ելույթ ունեցած տրանսգենդերը Այդ սենյակում մի մարդ չմնա, աշխատանքից ազատել բոլորին. Նիկոլ Փաշինյան Լիլիթ Հովհաննիսյանն առաջին անգամ ցույց է տվել իր գեղեցկուհի մայրիկին, ում երգչուհին անչափ նման է. (Photo) Աշոտ Ղազարյանի թոռները` Անահիտը և Բորիսը, «Лучше всех» նախագծի ընթացքում հիացրել են հաղորդավար Մաքսիմ Գալկինին Նատալիա Օրեյրոյի համերգը Երևանում․ (տեսանյութ) Կարճ շորտերի սիրահար Անատի Սաքանյանը նման տեսքո՞վ է մարզվում մարզասրահում. (Տեսանյութ) Փաշինյանի խիստ հրահանգը՝ Արթուր վանեցյանին Լուիզային ստիպե՞լ են նման անճաշակ հագուստ կրել Womens club-ի բեմում. ՖՈՏՈ Արձակուրդից հետո դասերը մեկնարկեցին առանց սիրելի դասընկերոջ. (Տեսանյութ) Նոր մանրամասներ Գյումրիում 10-ամյա երեխայի մահվան դեպքից Փաշինյանի քաղաքական հզոր պատասխանը՝ Ալիևին․ (տեսանյութ) Ահասարսուռ դեպք Գյումրիում։ Մայրը 10-ամյա որդուն գտել է մահացած ՀՀ վարչապետի խոսուն ժեստը՝ Ալիևի հետ հանդիպման ժամանակ. (Ֆոտո) Փաշինյանի և Ալիևի պահվածն՝ առաջին պաշտոնական հանդիպման ժամանակ․ (տեսանյութ) Սերժ Սարգսյանի ուղերձը. ժամանակը մոտենում է Նոր սկանդալ հայ-ռուսական հարաբերություններում․ Ռուսական պետական հեռուստաընկերությունը Փաշինյանի քայլերը որակում է հակաօրինական․ (Տեսանյութ) Ալիևի հետ հանդիպման մասին խոսելիս Փաշինյանը հեռախոսով նամակ ստացավ, որից հետո սկսեց կմկմալ. (Տեսանյութ) Սիրուշոն տատիկի հետ դուրս էր եկել զբոսանքի, երբ բակի երեխաները նկատեցին նրան. վերջիններիս արձագանքը տեսնել է պետք. (Տեսանյութ) Ինչի է պատրաստվում Ադրբեջանը. Բաքուն փոխում է կերպարը Սամվել Բաբայանի նամակը Սերժ Սարգսյանին․ (2013 թվական) Աննա Հարությունյանը Անի Երանյանի հետ լուսանկար է հրապարակել. ՖՈՏՈ

Яндекс.Метрика
website by Sargssyan