Ինչպես է անցել ՀՀ նախագահ Արմեն Սարգսյանի ծննդյան տարեդարձը

Արմեն Սարգսյանը ծնվել է 1953թ. հունիսի 23-ին, Երևան քաղաքում: 1970թ. ավարտել է Երևանի թիվ 114 միջնակարգ դպրոցը։ 1976թ. ավարտել է Երևանի պետական համալսարանի ֆիզիկայի ֆակուլտետը․․․
1978թ. ավարտել է ԵՊՀ-ի տեսական ֆիզիկայի ամբիոնի ասպիրանտուրան: Ֆիզիկամաթեմատիկական գիտությունների թեկնածու է, դոցենտ: 1976-1990 թվականներին դասախոսել է Երևանի պետական համալսարանի Ֆիզիկայի ֆակուլտետում․․․
1991-1996թթ․ զբաղեցրել է Միացյալ Թագավորությունում Հայաստանի գործերի ժամանակավոր հավատարմատարի, այնուհետև ՀՀ դեսպանի պաշտոնը․․․
1992-1996թթ․եղել է Եվրոպայի ավագ դեսպան, ՀՀ դեսպանը Եվրոպական Միությունում, Բելգիայում, Նիդերլանդներում, Լյուքեմբուրգում, Վատիկանում, ԵՄ-ում ՀՀ Առաքելության ղեկավարը: 1996-1997թթ․զբաղեցրել է Հայաստանի Հանրապետության վարչապետի պաշտոնը․․․
2018թ. ապրիլի 9-ին ստանձնել է Հայաստանի Հանրապետության նախագահի պաշտոնը․․․
Հայաստանի նախագահ Արմեն Սարգսյանին ծննդյան օրվա առթիվ շնորհավորական ուղերձներ են հղել Ռուսաստանի նախագահ Վլադիմիր Պուտինը, Չինաստանի նախագահ Սի Ծինփինը, Իտալիայի նախագահ Սերջիո Մատարելլան․․․
ՀՀ նախագահի գրասենյակի հաղորդագրության համաձայն՝ ՌԴ նախագահի ուղերձում մասնավորապես ասված է. - «Ռուսաստանում բարձր են գնահատում ռուս-հայկական դաշնակցային հարաբերությունների զարգացման գործում Ձեր ակտիվ շահագրգռությունը․․․
Համոզված եմ, որ երկկողմ կառուցողական համագործակցության հետագա ընդլայնումը, եվրասիական ինտեգրացիոն գործընթացների շրջանակում գործընկերային փոխգործակցությունը համապատասխանում են մեր եղբայրական ժողովուրդների հիմնարար շահերին»․․․
Վլադիմիր Պուտինն Արմեն Սարգսյանին մաղթում է քաջառողջություն, բարօրություն և հաջողություններ պետական գործունեության մեջ․․․
Չինաստանի նախագահն իր ուղերձում մասնավորապես գրել է. - «Հայաստանը համագործակցության ավանդական գործընկեր է Չինաստանի համար: Վերջին տարիներին հայ-չինական հարաբերությունները պահպանում են զարգացման դրական դինամիկան, քաղաքական շփումները դարձել են ավելի սերտ, խորանում է գործնական համագործակցությունը»․․․
«Կորոնավիրուսի համավարակի բռնկման պահից Չինաստանը և Հայաստանը հաստատուն կերպով աջակցում են միմյանց և հաղթահարում դժվարությունները միասնական ջանքերով, ինչը լիովին արտացոլում է երկու երկրների ժողովուրդների խորը բարեկամությունը․․․
Մեծապես կարևորում եմ հայ-չինական հարաբերությունների զարգացումը և պատրաստ եմ Ձեզ հետ միասին համատեղ ջանքեր ներդնել, որ երկկողմ հարաբերությունները և բազմակողմ համագործակցությունը մեծ արդյունքներ գրանցեն՝ ի շահ մեր երկրների ու ժողովուրդների», - Արմեն Սարգսյանին գրել է Սի Ծինփինը․․․
Իտալիայի նախագահի ուղերձում ասված է. - «Պահպանում եմ Երևանում և Հռոմումմեր հանդիպումների մասին ջերմ հիշողությունը, որը վերահաստատում է Հայաստանի և Իտալիայի միջև հարաբերությունների կարևորությունը, և սիրով արձանագրում եմ դրանց շարունակական ընդլայնումը․․․
Ազատության և ժողովրդավարության տենչանքը մեր ժողովուրդների ընդհանուր պատմության հատկանիշն է, որը յուրաքանչյուրիս մեր ուղիով հասցրեց անկախության և հանրապետության»․․․
Սերջիո Մատարելլան համոզմունք է հայտնել, որ առաջիկայում Իտալիա նախատեսվող պետական այցի շրջանակում Արմեն Սարգսյանին կհյուրընկալի Քվիրինալյան պալատում․․․
Իսկ այժմ այն մասին թե ինչպես է նշել նախագահն իր ծննդյան տարեդարձը և ովքեր են եղել հայտնի հյուրերը․․․
«Տարիքը պայմանավորված չէ ապրած տարիների քանակով: Տարիքը հոգու վիճակն է»,- անցած տարվա հունիսին բրիտանական Financial Times պարբերականին տված հարցազրույցում նշել էր նախագահ Արմեն Սարգսյանը․․․
ՀՀ նախագահն իր ծնունդը տոնել է ընտանեկան ջերմ մթնոլրտում։ Իրականում ոչ մի հայտնի քաղաքական գործիչ կամ հասարակակա գործիչ՝ այդ առիթվով հրավիրված չի եղել։ Արմեն Սարգսյանն իր 67-ամյակը դիմավորել է հարազատների, թոռների ընկերակցությամբ